អភិបាលទីក្រុងកៀវបានប្រកាសអាសន្នព្រមានពីហានិភ័យនៃកង្វះខាតថាមពលចរន្តអគ្គិសនី ខណៈដែលព្រិលបានចាប់ផ្តើមធ្លាក់ចុះមកហើយ។
![](https://cambodiaflashnews.com/wp-content/uploads/2021/06/top-banner.gif)
យោងតាមអ្នកកាសែត AFP ប្រចាំនៅរដ្ឋធានី Kyiv ប្រទេសអ៊ុយក្រែនបានរាយការណ៍នៅថ្ងៃព្រហស្បតិ៍នេះថា ព្រិលទឹកកកបានចាប់ផ្តើមធ្លាក់ចុះលើកដំបូងហើយក្នុងទីក្រុង ដែលជាសញ្ញានៃរដូវរងាចូលមកដល់។ អភិបាលទីក្រុងកៀវបានព្រមានពីហានិភ័យគ្មានអគ្គិសនីប្រើប្រាស់គ្រប់គ្រាន់ ប្រជាជនត្រូវប្រឈមមុខនឹងសីតុណ្ហភាពចុះត្រជាក់ខ្លាំងរហូតដល់ដក ១០អង្សាសេ មិនអាចទ្រាំបាន។
ចរន្តអគ្គិសនីនៅអ៊ុយក្រែនដូចដែលបានជម្រាបរួចហើយថា គឺដាច់អស់ស្ទើរពាក់ កណ្តាល ដោយសាររងការវាយប្រហារពីរុស្ស៊ី។ នៅសប្តាហ៍នេះ ទីក្រុងកៀវ ខាគៀវ ទីក្រុងលីវី ក៏ដូចជាមីកូលេវ ត្រូវបានរុស្ស៊ីវាយប្រហារថ្មី និងខ្លាំងបំផុតបន្ថែមទៀត ដែលធ្វើឲ្យប្រព័ន្ធហេដ្ឋារចនាសម្ព័ន្ធថាមពលត្រូវស្តួចស្តើងជាងមុនគួរឲ្យព្រួយបារម្ភ។ ទន្ទឹមនឹងហានិភ័យនេះ ប្រធានាធិបតីហ្សេឡិនស្គី មិនទាន់មានចំណាត់ការណាមួយឆ្លើយតបភ្លាមៗនោះទេ៕
ប្រភព៖ AFP
ប្រភពរូប៖AFP
ប្រែសម្រួល៖សុខ តុលា