សហរដ្ឋអាម៉េរិកវាយតម្លៃថា អ៊ុយក្រែននឹងមិនងាយឆាប់បានយកឈ្នះរុស្ស៊ីទាំងស្រុងក្នុងសង្រ្គាមឡើយ ព្រោះទ័ពរុស្ស៊ីនៅតែមានវត្តមានច្រើននៅភាគខាងកើត និងខាងត្បូង។
![](https://cambodiaflashnews.com/wp-content/uploads/2021/06/top-banner.gif)
ប្រធានអគ្គសេនាធិការចម្រុះអាម៉េរិក លោក Mark Milley បានបញ្ចេញការវាយតម្លៃរបស់លោកយ៉ាងដូច្នេះ កាលពីថ្ងៃពុធទី ១៦ ខែវិច្ឆិកា ឆ្នាំ២០២២។ អ៊ុយក្រែនទំនងជាមិនអាចទទួលបានជ័យជម្នះផ្នែកយោធាណាមួយក្នុងពេលឆាប់ៗនេះទេ ដោយសារកងទ័ពរុស្ស៊ីនៅតែបន្តឈរជើងនៅក្នុងទឹកដីដ៏ធំនៅភាគខាងកើត និងភាគខាងត្បូងនៃប្រទេស។ លោកបានមានប្រសាសន៍បន្តថា “ភារកិច្ចក្នុងការបណ្តេញទាហានរុស្ស៊ីចេញពីអ៊ុយក្រែន គឺជាការងារដ៏លំបាកមួយ ហើយវានឹងមិនអាចធ្វើឡើងទៅបាននៅប៉ុន្មានសប្តាហ៍ខាងមុខនេះទេ លុះត្រាតែកងទ័ពរុស្ស៊ីដួលរលំទាំងស្រុងដោយខ្លួនឯង តែយ៉ាងណាវានឹងមិនអាចទៅរួចបែបនេះឡើយ”។
ទោះបីជាយ៉ាងណាក៏ដោយ ក្នុងពេលនិយាយទៅកាន់អ្នកសារព័ត៌មាន លោក Milley បានចង្អុលបង្ហាញថា នៅពេលដែលប្រតិបត្តិការយុទ្ធសាស្ត្របានថយចុះក្នុងអំឡុងរដូវ រងា យោធារុស្ស៊ីនឹងរងផលប៉ះពាល់ខ្លាំង “ឈឺចាប់ខ្លាំង” ដូច្នេះឱកាសនៃដំណោះស្រាយនយោបាយចេញពីរុស្ស៊ីអាចនឹងកើតឡើង។ បើទោះជាអ៊ុយក្រែនពិបាកយ៉ាងណាក៏ដោយ សហរដ្ឋអាម៉េរិកនឹងមិនឈរឱបដៃមើលទេ អាម៉េរិកនឹងផ្តល់ជំនួយតាមដែលពួកគេត្រូវការ៕
ប្រភព៖ ALJAZEERA
ប្រភពរូប៖ALJAZEERA
ប្រែសម្រួល៖សុខ តុលា