សហរដ្ឋអាម៉េរិក និងសម្ព័ន្ធមិត្ត បានរួមដៃគ្នាពន្លះរុស្ស៊ីយ៉ាងខ្លាំងនៅក្នុងអំឡុងកិច្ចប្រជុំក្រុមប្រឹក្សាអង្គការសហប្រជាជាតិ ទាក់ទងនឹងរឿងមីស៊ីលធ្លាក់នៅប៉ូឡូញ។
![](https://cambodiaflashnews.com/wp-content/uploads/2021/06/top-banner.gif)
ទោះបីជាការស៊ើបអង្កេតរកឃើញជាបឋមថាអ៊ុយក្រែនជាអ្នកបាញ់មីស៊ីលចូលទឹកដី ប៉ូឡូញក៏ដោយ ក៏ក្រុមប្រឹក្សាអង្គការសហប្រជាជាតិដែលបានបើកកិច្ចប្រជុំនៅថ្ងៃព្រហស្បតិ៍នេះនៅតែបានសម្រុកនាំគ្នារិះគន់រុស្ស៊ីយ៉ាងខ្លាំងចំពោះការបង្ករឿងដើម ហេតុ។ ឯកអគ្គរដ្ឋទូតសហរដ្ឋអាម៉េរិកប្រចាំអង្គការសហប្រជាជាតិ លោកស្រី Linda Thomas-Greenfield បានប្រាប់ក្រុមប្រឹក្សាសន្តិសុខថា “ខណៈពេលដែលយើងមិនទាន់ដឹងការពិតទាំងស្រុង តែយើងក៏ដឹងរឿងមួយរួចទៅហើយ”។ លោកស្រីបន្តថា រឿងនោះគឺថារុស្ស៊ីជាអ្នកខុស។ សោកនាដកម្មបែបនេះមិនដែលកើតពីមុនមកទេ បើរុស្ស៊ីមិនបាញ់អ៊ុយក្រែន មិនឈ្លានពានអ៊ុយក្រែន វាក៏គ្មានរឿងបែបនេះដែរ។ ដោយបានលើកឡើងពីហេតុផលផ្លូវច្បាប់ថា អ៊ុយក្រែនមិនខុសទេ ពួកគេមានសិទ្ធិស្ទាក់ចាប់ និងប្រើប្រាស់របាំងការពារដែនអាកាស។
ឯកអគ្គរដ្ឋទូតរបស់ប៉ូឡូញផ្ទាល់ និងចក្រភពអង់គ្លេសបានបន្ទរសេចក្តីថ្លែងការណ៍ថា ការឈ្លានពានរបស់រុស្ស៊ីនៅទីបំផុតត្រូវស្តីបន្ទោសចំពោះអ្វីដែលបានកើតឡើងក្នុងប្រទេសប៉ូឡូញ។ សេចក្តីរិះគន់សង្ខេបដោយអគ្គលេខាធិការរងអង្គការសហប្រជាជាតិបានលើកឡើងថា រុស្ស៊ីបានបង្កវិនាសកម្មដោយការទម្លាក់គ្រាប់បែកខ្លាំងបំផុតនៅ សប្តាហ៍នេះ ចាប់តាំងពីការឈ្លានពាននៅថ្ងៃទី ២៤ ខែកុម្ភៈ។
ឆ្លើយតបតឹងសរសៃកទៅវិញ រុស្ស៊ីបានស្តីបន្ទោសអ៊ុយក្រែន និងប៉ូឡូញពីការញុះញង់សង្រ្គាមណាតូនិងរុស្ស៊ី ហើយថាអ៊ុយក្រែននិងប៉ូឡូញទើបជាអ្នកទទួលខុសត្រូវពិតប្រាកដ៕
ប្រភព៖ ALJAZEERA
ប្រភពរូប៖ALJAZEERA
ប្រែសម្រួល៖សុខ តុលា