ភ្នំពេញ៖ហ្វូងសត្វស្វាបានដេញខាំបង្ករបួសស្នាមដល់អ្នកដំណើរ សិស្សនិងកំពុងបន្តការភ័យខ្លាចអុកឡុកដោយស្ទាក់ពលរដ្ឋឆ្លងកាត់លើស្ពានអាកាសថ្មើរជើងនៅម្តុំស្តុបសន្ធរម៉ុក។
អ្នករស់នៅជិតទីនោះបានឱ្យដឹងកាលពីថ្ងៃទី១៦ ខែវិច្ឆិកាថា មានហ្វូងសត្វស្វាចំនួន៤-៥ក្បាលសង្ស័យមកពីតំបន់រមណីយដ្ឋានប្រវត្តិសាស្ត្រវត្តភ្នំ ហើយបន្តទៅតំបន់មួយចំនួនទៀតក្នុងរាជធានីភ្នំពេញ។ហ្វូងស្វានោះបានដេញខាំបង្ករបួសស្នាមដល់សិស្សានុសិស្សនិងអ្នកដំណើរជាច្រើននាក់កន្លងមកខណៈឆ្លងកាត់លើស្ពានអាកាសថ្មើរជើងស្តុបសន្ធរម៉ុក បណ្ដាលឱ្យរងរបួសត្រូវបានបញ្ជូនទៅមន្ទីរពេទ្យភ្លាមៗ។
ករណីការភ័យខ្លាចនោះ ក៏មានសំណូមពរដល់អាជ្ញាធរពាក់ព័ន្ធឱ្យចាត់វិធានការចាប់ហ្វូងស្វាទាំងនោះយកទៅដាក់នៅតាមសួនសត្វនានា ដើម្បីរក្សាការពារសន្តិសុខសណ្តាប់ធ្នាប់ជូនប្រជាពលរដ្ឋ។
ជុំវិញករណីខាង មន្ត្រីអាជ្ញាធរខណ្ឌទួលគោកបានឱ្យដឹងកាលពីរសៀលថ្ងៃទី១៦ ខែវិច្ឆិកាថា មន្ត្រីមូលដ្ឋានបានជូនដំណឹងនេះទៅផ្នែកជំនាញរដ្ឋបាលព្រៃឈើរួចហើយ ដោយសន្យាថានឹងចុះមកចាប់យកសត្វស្វាទាំងនោះទៅដាក់ក្នុងសួនសត្វភ្នំតាម៉ៅ៕ដោយ៖វិចិត្រ
