កង់យន្តហោះ ដែលដឹកកីឡាកររបស់ក្រុមម្ចាស់ជើងឯកពិភពលោកចាស់បារាំង បានប៉ះដីរបស់ប្រទេសកាតាហើយ កាលពីថ្ងៃពុធ ខណៈដែលក្រុមខ្លាំងពីអឺរ៉ុបមួយនេះ ប្រឹងប្រែង ដើម្បីក្លាយជាក្រុមដំបូងគេ ដែលអាចរក្សាពានរង្វាន់ ក្នុងព្រឹត្តិការណ៍ World Cup គិតចាប់តាំងពីក្រុមប្រេស៊ីល ធ្វើបានសម្រេច កាលពីឆ្នាំ១៩៦២។
![](https://cambodiaflashnews.com/wp-content/uploads/2021/06/top-banner.gif)
ខ្សែប្រយុទ្ធ Kylian Mbappe របស់ក្លិប Paris Saint-Germain គឺជាកីឡាករដំបូងគេ ដែលចុះពីលើយន្តហោះ។ សមាជិកចំនួន ១០នាក់នៃក្រុម ដែលបានឈ្នះពានរង្វាន់ ក្នុងឆ្នាំ២០១៨ បានត្រឡប់មកទាំងអស់ ក្នុងនោះរួមមាន កីឡាករ Mbappe ប្រធានក្រុម Hugo Lloris និងខ្សែប្រយុទ្ធ Antoine Griezmann។
ប៉ុន្តែក្រុមការពារតំណែងជើងឯក ដែលស្ថិតនៅក្នុងពូល D ជាមួយក្រុមអូស្ត្រាលី ដាណឺម៉ាក និងទុយនេស៊ី មិនមានខ្សែបម្រើដ៏សំខាន់ទាំង ២ Paul Pogba និង N’Golo Kante ទេ។
ម្ចាស់ពានរង្វាន់ឯកត្តជន Ballon d’Or គឺខ្សែប្រយុទ្ធ Karim Benzema ដែលបានខកខានការប្រកួតជាបន្តបន្ទាប់ សម្រាប់ក្រុម Real Madrid ក្នុងរដូវកាលនេះ ដោយសារតែរបួសនោះ នឹងត្រូវបង្ហាញខ្លួន ក្នុងព្រឹត្តិការណ៍ World Cup ជាលើកដំបូង គិតចាប់តាំងពីឆ្នាំ២០១៤ មក៕