គណៈកម្មាធិការកាកបាទក្រហមអន្តរជាតិ ICRC បានប្រកាសដាក់ពង្រាយក្រុមគ្រូពេទ្យស្ម័គ្រចិត្តទៅកាន់តំបន់ឃើសនអ៊ុយក្រែនភាគខាងត្បូងហើយ ដើម្បីប្រញាប់ទៅសង្រ្គោះអ្នកជំងឺរាប់ពាន់នាក់។
![](https://cambodiaflashnews.com/wp-content/uploads/2021/06/top-banner.gif)
លោក Stephan Sakalian ប្រធានគណៈប្រតិភូកាកបាទក្រហមអន្តរជាតិប្រចាំអ៊ុយ ក្រែន បានមានប្រសាសន៍ជូនដំណឹងថា មានការដង្ហោយហៅដ៏ច្រើនបន្ទាន់នៅក្នុងតំបន់ Kherson ភាគខាងត្បូងអ៊ុយក្រែន ដោយប្រជាជនជាច្រើននាក់កំពុងពុះពារនឹងស្ថានភាពដ៏លំបាកមិនគួរឲ្យជឿ ក្រោយរុស្ស៊ីបានដកទ័ពចេញ។ ICRC នឹងបញ្ជូនមន្ទីរពេទ្យចំនួន២ធំៗទៅទីនោះ នាំយកនូវគ្រឿងបរិក្ខារពេទ្យគ្រប់ប្រភេទគ្រប់គ្រាន់សម្រាប់ព្យាបាលអ្នករបួសអ៊ុយក្រែនចំនួន ៥០០នាក់ និងអ្នកជំងឺដែលត្រូវការការថែទាំសុខភាពបឋមចំនួន ២.០០០នាក់ក្នុងរយៈពេល៣ខែ។ ICRC ក៏បាននាំយកកញ្ចប់ស្បៀង និងសម្ភារអនាម័យចំនួន៦០០ ដល់មន្ទីរពេទ្យវិកលចរិត ជំនួយផ្គត់ផ្គង់ទឹកស្អាតក្នុងស្រុក ឧបត្ថម្ភរថយន្តទឹក១គ្រឿង។
ប្រជាជននៃ Kherson ក៏ត្រូវការការជួយបន្ទាន់ផ្សេងទៀតដូចជា ការស្តារការតភ្ជាប់ឡើងវិញ ស្វែងរកក្រុមគ្រួសារមនុស្សជាទីស្រឡាញ់ដែលបាត់វង្វេងគ្នា ជួសជុលរោងចក្រអគ្គិសនីដែលរងការខូចខាតដោយគ្រាប់បែករុស្ស៊ី និងប្រព័ន្ធធារាសាស្រ្ត។ ទោះបីជានៅឃើសន សុវត្ថិភាពមិនទាន់ធានាបានក៏ដោយ ក្រុមសង្រ្គោះនៅតែបន្តឈរជាមួយប្រជាជនអ៊ុយក្រែនជានិច្ច៕
ប្រភព៖ ALJAZEERA
ប្រភពរូប៖ALJAZEERA
ប្រែសម្រួល៖សុខ តុលា