រដ្ឋាភិបាលប្រទេសស៊ុយអែត នឹងផ្តល់កញ្ចប់ជំនួយយោធាថ្មីធំបំផុតតម្លៃជាង ២៨០លានដុល្លារអាម៉េរិកដល់អ៊ុយក្រែន ភាគច្រើននឹងផ្តោតលើប្រព័ន្ធការពារដែនអាកាស។
![](https://cambodiaflashnews.com/wp-content/uploads/2021/06/top-banner.gif)
នាយករដ្ឋមន្ត្រីស៊ុយអែត Kristersson បាននិយាយនៅថ្ងៃពុធនេះថា ប្រទេសស៊ុយ អែតនឹងផ្តល់ជំនួយយោធាថ្មីដែលមានតម្លៃ ៣ ពាន់លានក្រោន ស្មើនឹង ២៨៧លានដុល្លារអាម៉េរិកដល់អ៊ុយក្រែន ខណៈដែលជាកញ្ចប់សម្ភារការពារជាតិដ៏ធំបំផុតមួយរបស់ខ្លួនរហូតមកដល់បច្ចុប្បន្ន ផ្តោតលើប្រព័ន្ធការពារដែនអាកាស។
Kristersson បានបន្តប្រាប់សន្និសីទសារព័ត៌មានថា “វាជាកញ្ចប់ជំនួយយោធាធំជាងគេ ក្នុងចំណោមកញ្ចប់មុនទាំងប្រាំបីរួមបញ្ចូលគ្នាដែលបានបញ្ជូនទៅអ៊ុយក្រែន” ។ “វាធំបំផុតតែមួយគត់ដែលយើងបានធ្វើ ហើយយើងធ្វើតាមបញ្ជីអាទិភាពរបស់អ៊ុយក្រែន នូវអ្វីដែលពួកគេត្រូវគេនាពេលនេះ”។
គួរដឹងថា ការរួមចំណែកសព្វាវុធពីមុនដោយស៊ុយអែតចូលរួមជាមួយ NATO ប្រទេសជិតខាងហ្វាំងឡង់ក្តីដល់អ៊ុយក្រែន គឺមានច្រើនប្រភេទណាស់ រាប់ចាប់ពីឧបករណ៍ សាមញ្ញៗដូចជា មួកសុវត្ថិភាព និងអាវក្រោះរាងកាយ រហូតដល់គ្រាប់បែកដៃ និងកាំជ្រួចមីស៊ីលផ្សេងៗទៀត៕
ប្រភព៖ ALJAZEERA
ប្រភពរូប៖ALJAZEERA
ប្រែសម្រួល៖សុខ តុលា