រុស្ស៊ីរាយការណ៍ថា មនុស្ស២នាក់បានស្លាប់ ៣នាក់រងរបួសក្នុងការផ្លោងរបស់អ៊ុយក្រែនមកលើទីក្រុងរុស្ស៊ីក្នុងខេត្ត Belgorod នៅព្រំដែន។
![](https://cambodiaflashnews.com/wp-content/uploads/2021/06/top-banner.gif)
យោងតាមការចុះផ្សាយដោយសារព័ត៌មានអាល់ចាហ្សេរ៉ា អភិបាលនៃតំបន់ Belgorod ភាគខាងត្បូងនៃប្រទេសរុស្ស៊ី លោក Vyacheslav Gladkov បានអះអាងថា មនុស្សពីរនាក់បានស្លាប់ និងបីនាក់ទៀតរងរបួសពិតមែន ដោយសារការបាញ់ផ្លោងនៅក្នុងទីក្រុងShebekino តំបន់ Belgorod នៅជិតព្រំដែនជាមួយអ៊ុយក្រែន។ លោកអភិបាលមិនបានផ្តល់ព័ត៌មានលម្អិតបន្ថែមអំពីឧប្បត្តិហេតុនៅក្នុងទីក្រុង Shebekinoទេ ខណៈBelgorod គឺជាតំបន់មួយក្នុងចំណោមតំបន់ភាគខាងត្បូងរុស្ស៊ីជាច្រើន ដែលជាកន្លែងសម្បូរហាងលក់ប្រេងឥន្ធនៈ និងគ្រាប់រំសេវត្រូវបានបំផ្ទុះ ចាប់តាំងពីការចាប់ផ្តើមនៃសង្រ្គាមដំបូង។
នៅក្នុងការចោទប្រកាន់នេះ ទីក្រុង Kyiv មិនបានអះអាងទទួលខុសត្រូវឡើយ បើទោះជារុស្ស៊ីបានចោទហើយចោទទៀតថាជាស្នាដៃអ៊ុយក្រែន និងហៅអ៊ុយក្រែនជាភេរវករ៕
ប្រភព៖ ALJAZEERA
ប្រភពរូប៖ALJAZEERA
ប្រែសម្រួល៖សុខ តុលា