មេដឹកនាំប្រទេសសេដ្ឋកិច្ចយក្សទាំង២០ ឬហៅកាត់ថាក្រុម G20 បានចេញសេចក្តីប្រកាសថ្កោលទោសផ្លូវការលើរុស្ស៊ី ជុំវិញការឈ្លានពានប្រទេសអ៊ុយក្រែន។
![](https://cambodiaflashnews.com/wp-content/uploads/2021/06/top-banner.gif)
អស់រយៈពេលយ៉ាងយូរទម្រាំបានប្រទេសសេដ្ឋកិច្ចធំៗទាំង២០ បានជួបជុំគ្នាដោយផ្ទាល់នៅឯកោះបាលីប្រទេសឥណ្ឌូណេស៊ីនៅក្នុងខែវិច្ឆិកានេះ។ ក្នុងពេលដែលមានដំណឹងនៃការវាយប្រហារជាបន្តបន្ទាប់របស់រុស្ស៊ីមកលើរដ្ឋធានីអ៊ុយក្រែន ចំថ្ងៃនៃកិច្ចប្រជុំ សមាជិកភាគច្រើនហាក់មិនស្ទាក់ស្ទើរក្នុងការបោះឆ្នោតថ្កោលទោសរុស្ស៊ី ទោះបីជារុស្ស៊ីជាសមាជិកមួយ និងកំពុងមានវត្តមានក្នុងកិច្ចប្រជុំក៏ដោយ។ សេចក្តីថ្លែងការណ៍បាននិយាយថា ច្បាប់អន្តរជាតិត្រូវតែប្រកាន់ខ្ជាប់ ការគំរាមកំហែងនៃការប្រើប្រាស់អាវុធនុយក្លេអ៊ែរគឺមិនអាចទទួលយកបានទេ។ វាបានធ្វើឲ្យប៉ះពាល់ដល់គំនិតផ្តួចផ្តើមគ្រាប់ធញ្ញជាតិនៅសមុទ្រខ្មៅ ដោយសារសង្រ្គាមបានរារាំងគ្រាប់ធញ្ញជាតិដឹកទៅកាន់ទីផ្សារពិភពលោក។
“សមាជិកជាច្រើនបានថ្កោលទោសយ៉ាងខ្លាំងចំពោះសង្គ្រាមខុសច្បាប់ អយុត្តិធម៌ និងបង្កហេតុរបស់រុស្ស៊ីប្រឆាំងនឹងអ៊ុយក្រែន ហើយបានអំពាវនាវឱ្យបញ្ចប់សង្គ្រាម” ។ “សមាជិកទាំងនេះបានសម្តែងការព្រួយបារម្ភអំពីការខូចខាតដែលបង្កឡើងដោយជម្លោះលើហេដ្ឋារចនាសម្ព័ន្ធសុខភាពសំខាន់ៗ ក៏ដូចជាការស្លាប់ និងរបួសរបស់បុគ្គលិកថែទាំសុខភាព ស្ត្រី និងកុមារទន់ខ្សោយ”។
ជុំវិញសេចក្តីប្រកាសនេះ ខាងរុស្ស៊ីដែលមានអ្នកតំណាងទៅប្រជុំគឺលោករដ្ឋមន្រ្តីការបរទេស Sergei Soigu មិនបានផ្តល់សេចក្តីថ្លែងការណ៍ឆ្លើយតបនោះទេ៕
ប្រភព៖ ALJAZEERA
ប្រភពរូប៖ALJAZEERA
ប្រែសម្រួល៖សុខ តុលា