ក្រុមជម្រើសជាតិអាហ្សង់ទីន នឹងសម្លឹងដល់ការឈ្នះពាន នៅព្រឹត្តិការណ៍ World Cup ជាលើកទី៣ ហើយនេះជាអ្វីដែលយើងត្រូវដឹងខ្លះអំពីក្រុមរបស់ពួកគេ៖
-តើអាហ្សង់ទីន យកកីឡាករប៉ុន្មាននាក់ទៅប្រទេសកាតា?
ក្រុមទាំងឡាយ រួមទាំងអាហ្សង់ទីនផង នឹងអាចដាក់ឈ្មោះកីឡាករបានរហូតដល់ ២៦នាក់សម្រាប់ការប្រកួតប្រជែង World Cup ឆ្នាំនេះ បន្ទាប់ពី FIFA (សហព័ន្ធបាល់ទាត់អន្តរជាតិ) បានបង្កើនការកំណត់ចំនួនអតិបរមាសម្រាប់ក្រុម ដោយបន្ថែម ៣នាក់ទៀត ក្នុងខែមិថុនា ដោយពិចារណាដល់ពេលវេលាមិនធម្មតានៃការប្រកួតប្រជែងលើកនេះ ក៏ដូចជាផលប៉ះពាល់ពីជំងឺកូវីដ-១៩។
-តើនរណាខ្លះ ស្ថិតក្នុងក្រុមជម្រើសជាតិអាហ្សង់ទីន សម្រាប់ World Cup 2022?
បញ្ជីឈ្មោះកីឡាកររបស់ក្រុមអាហ្សង់ទីន ត្រូវបានប្រកាស កាលពីថ្ងៃទី១១ ខែវិច្ឆិកា។
-អ្នកចាំទី៖ Emiliano Martinez (Aston Villa), Franco Armani (River Plate) និង Geronimo Rulli (Villarreal)។
-ខ្សែការពារ៖ Gonzalo Montiel (Sevilla), Nahuel Molina (Atletico Madrid), German Pezzella (Real Betis), Cristian Romero (Tottenham Hotspur), Nicolas Otamendi (Benfica), Lisandro Martinez (Manchester United), Juan Foyth (Villarreal), Nicolas Tagliafico (Olympique Lyonnais) និង Marcos Acuna (Sevilla)។
-ខ្សែបម្រើ៖ Leandro Paredes (Juventus), Guido Rodriguez (Real Betis), Enzo Fernandez (Benfica), Rodrigo De Paul (Atletico Madrid), Exequiel Palacios (Bayer Leverkusen), Alejandro Gomez (Sevilla) និង Alexis Mac Allister (Brighton & Hoveve) Albion)។
-ខ្សែប្រយុទ្ធ៖ Paulo Dybala (AS Roma), Lionel Messi (Paris St Germain), Angel Di Maria (Juventus), Nicolas Gonzalez (Fiorentina), Joaquin Correa (Inter Milan), Lautaro Martinez (Inter Milan) និង Julian Alvarez (Manchester City )។
-តើក្រុមអាហ្សង់ទីន នឹងជួបក្រុមណា ក្នុងវគ្គសន្សំពិន្ទុតាមពូល?
ក្រុមអាហ្សង់ទីនត្រូវជួបជាមួយក្រុមអារ៉ាប៊ីសាអ៊ូឌីត ម៉ិកស៊ិក និងប៉ូឡូញ ក្នុងពូល C។ តែពួកគេនឹងលេងហ្គេមកម្ដៅសាច់ដុំជាមួយក្រុមអេមីរ៉ាតអារ៉ាប់រួម នៅថ្ងៃទី១៦ ខែវិច្ឆិកា មុននឹងចាប់ផ្ដើមធ្វើយុទ្ធនាការប្រកួតប្រជែងក្នុងព្រឹត្តិការណ៍ដ៏ធំរបស់ពិភពលោកនេះ៕
