ភ្នំពេញ៖ប្រទេសអូស្ត្រាលី បានចូលរួមចំណែកយ៉ាងសំខាន់នៅដំណាក់កាលដំបូងក្នុងដំណើរការសន្តិភាពរបស់កម្ពុជានៅចុងទសវត្សរ៍ឆ្នាំ១៩៨០ជាមួយនឹងតួនាទីនាំមុខរបស់អូស្ត្រាលីក្នុងបេសកកម្មអ៊ុនតាក់ ហើយការងារបោសសម្អាតមីនត្រូវបានចាប់ផ្តើមពីការផ្តួចផ្តើម ឧត្តមសេនីយ៍ John Sanderson និងរាជរដ្ឋាភិបាលកម្ពុជា។
![](https://cambodiaflashnews.com/wp-content/uploads/2021/06/top-banner.gif)
តាមរយៈគម្រោង Clearing for Results អូស្ត្រាលី គឺជាអ្នកផ្តល់ជំនួយដ៏ធំ និងបានចូលរួមកាត់បន្ថយផ្ទៃដីមានមីនប្រមាណជាង ២៥០ គីឡូម៉ែត្រការ៉េ សម្រាប់ការផ្តល់ដីសុវត្ថិភាពសម្រាប់ការសាងសង់លំនៅដ្ឋាន សាលារៀន មន្ទីរពេទ្យ ផ្លូវថ្នល់ ស្ពាន ប្រព័ន្ធធារាសាស្ត្រ និងកសិកម្ម ជូនដល់ប្រជាជនជាង១លាននាក់។
លើសពីនេះ រយៈពេល៣០ឆ្នាំនេះ អូស្ត្រាលីបានបរិច្ចាគថវិកាជាង ១០០លានដុល្លារ និងបានរួមចំណែកកាត់បន្ថយយ៉ាងច្រើននៃអ្នកស្លាប់ដោយសារគ្រាប់មីន។
ទាំងនេះគឺជាការលើកឡើងនៅក្នុងពិធីអបអរសាទរខួបលើកទី៧០ នៃទំនាក់ទំនងទ្វេភាគីរវាងប្រទេសកម្ពុជា និងអូស្ត្រាលីកាលពីទី១៣ខែវិច្ឆិកា កន្លងទៅនេះ៕ដោយ៖សិរីមតី