ភ្នំពេញ៖បុរសម្នាក់ជិះម៉ូតូយ៉ាងលឿន ជ្រុលបុករថយន្តពីចំហៀងពេញទំហឹងបណ្តាលឱ្យដួលបោកក្បាលរងរបួសធ្ងន់ ត្រូវរថយន្តដឹកទៅមន្ទីរពេទ្យសង្គ្រោះបន្ទាន់។គ្រោះថ្នាក់ចរាចរនេះបានកើតឡើងនៅផ្លូវលេខ៤៣២ ក្នុងសង្កាត់បឹងត្របែក ខណ្ឌចំការមន កាលពីរំលងអធ្រាត្រឈានចូលថ្ងៃទី១៣ ខែវិច្ឆិកា។
អ្នកនៅជិតទៅនោះបានឱ្យដឹងថា មុនកើតហេតុ មានរថយន្តផ្លាកលេខភ្នំពេញ 2BG 3334 បើកតាមផ្លូវលេខ៤៣២ ពីកើតទៅលិច។មកដល់កន្លែងខាងលើស្រាប់តែមានបុរសម្នាក់ជិះម៉ូតូម៉ាកប៊ីត ផ្លាកលេខកំពង់ធំ1O 5205 តាមផ្លូវលេខ៩៥ ពីជើងទៅត្បូង ត្រង់ផ្លួវបែកជា៤ ក៏ជ្រុលបុករថយន្តពីចំហៀងពេញទំហឹងបណ្តាលឱ្យដួលរងរបួសធ្ងន់។
បន្ទាប់ពីមានគ្រោះថ្នាក់ អ្នករបួសត្រូវបានរថយន្តដឹកយកទៅមន្ទីរពេទ្យភ្លាមៗដើម្បីសង្គ្រោះបន្ទាន់។ សមត្ថកិច្ចក៏បានចុះវាស់វែងនិងយករថយន្ត-ម៉ូតូទៅរក្សាទុករង់ចាំតំណាងភាគីសងខាងចូលខ្លួនដោះស្រាយ៕ដោយ៖វិចិត្រ