ខ្សែប្រយុទ្ធ Sadio Mane បានជាប់ឈ្មោះក្នុងក្រុមជម្រើសជាតិសេណេហ្គាល់ សម្រាប់ព្រឹត្តិការណ៍ World Cup បើទោះបីជាកីឡាកររូបនេះ មានរបួសសរសៃពួរ មិនដល់ ២សប្តាហ៍ផង មុនការប្រកួតប្រជែងចាប់ផ្តើមក៏ដោយ។
កីឡាករ Mane បានដើរខ្ចើចៗចេញពីទីលាន អំឡុងជ័យជម្នះ ៦-១ របស់ក្រុម Bayern Munich លើក្រុម Werder Bremen ក្នុងការប្រកួត នៅក្របខ័ណ្ឌ Bundesliga កាលពីថ្ងៃអង្គារ ហើយក្លិបយក្សនៅតំបន់ Bavaria បានបញ្ជាក់ នាពេលក្រោយមកថា កីឡាកររូបនេះ បានរងរបួសសរសៃពួរផ្នែកចុងខាងលើនៃកំភួនជើងស្តាំរបស់គេ។
សេចក្ដីរាយការណ៍ ទាំងនៅប្រទេសអាល្លឺម៉ង់ និងបារាំង បានឱ្យដឹងថា ការអាចលេងបានរបស់កីឡាករ Mane សម្រាប់យុទ្ធនាការ នៅ World Cup របស់សេណេហ្គាល់ ដែលចាប់ផ្តើមទល់នឹងក្រុមហូឡង់ នាថ្ងៃទី២១ ខែវិច្ឆិកានោះ នៅតែមិនច្បាស់លាស់នោះទេ ប៉ុន្តែក្រុម Bayern មិនបានដករូបគេចេញពីការប្រកួតប្រជែងឡើយ។
ខាងក្រោមនេះ គឺជាកីឡាករ ដែលមានឈ្មោះក្នុងជម្រើសជាតិសេណេហ្គាល់ សម្រាប់ World Cup 2022:
-អ្នកចាំទី: Seny Dieng (Queens Park Rangers), Alfred Gomis (Stade Rennes), Eduoard Mendy (Chelsea)
-ខ្សែការពារ: Fode Ballo Toure (AC Milan), Pape Abou Cisse (Olympiakos), Abdou Diallo (RB Leipzig), Ismail Jakobs (Monaco), Kalidou Koulibaly (Chelsea), Formose Mendy (Amiens), Youssouf Sabaly (Real Betis)
-ខ្សែបម្រើ: Pathe Ismael Ciss (Rayo Vallecano), Krepin Diatta (Monaco), Idrissa Gana Gueye (Everton), Pape Gueye (Olympique Marseille), Cheikhou Kouyate (Nottingham Forest), Mamdou Loum (Reading), Nampalys Mendy (Leicester City), Moustapha Name (Pafos FC), Pape Matar Sarr (Tottenham Hotspur)
-ខ្សែប្រយុទ្ធ: Boulaye Dia (Salernitana), Famara Diedhiou (Alanyaspor), Bamba Dieng (Olympique Marseille), Nicolas Jackson (Villarreal), Sadio Mane (Bayern Munich), Ilimane Ndiaye (Sheffield United), Ismaila Sarr (Watford)៕
