ប្រទេសអាល្លឺម៉ង់នឹងផ្តល់ថវិកាជំនួយថ្មីរបស់ខ្លួនឆ្នាំ២០២៣ ចំនួន ១ពាន់លានអឺរ៉ូដល់អ៊ុយក្រែនប្រឆាំងនឹងការវាយប្រហារតាមអ៊ីនធឺណិតរបស់រុស្ស៊ី និងប្រមូលភស្តុតាងនៃឧក្រិដ្ឋកម្មសង្គ្រាម។
លោក Robin Wagener សមាជិកសភា Green ដែលជាប្រធានក្រុមសភាទទួលបន្ទុកអ៊ុយក្រែន បាននិយាយថា “ថវិកានេះបញ្ជាក់យ៉ាងច្បាស់ថា ការគាំទ្ររបស់របស់អាល្លឺម៉ង់លើសពីការផ្តល់អាវុធសំខាន់ៗទៅទៀត”។ “យើងកំពុងវិនិយោគយ៉ាងច្រើនលើសលប់ហើយក្នុងសន្តិភាពនៅអឺរ៉ុបនិងអ៊ុយក្រែន”។ ថវិកាដែលត្រៀមនឹងផ្តល់ជូននេះមានចំនួន ១ពាន់លានអឺរ៉ូ ស្មើនឹង១,០៣ពាន់លានដុល្លារអាម៉េរិក ដែលយកចេញពីថវិកាឆ្នាំ ២០២៣ របស់រដ្ឋអាល្លឺម៉ង់ផ្ទាល់។ វានឹងជួយដល់អ៊ុយក្រែនទប់ស្កាត់នូវការវាយប្រហារតាមអ៊ីនធើណេតពីរុស្ស៊ី និងសម្រាប់ប្រមូលភស្តុតាងឧក្រិដ្ឋកម្មសង្រ្គាមបានទៀតផង។
បន្ថែមពីនេះ អធិការបតីអាល្លឺម៉ង់ លោក Olaf Scholz ក៏បានធានាសន្យាជួយការពារដែនអាកាសអ៊ុយក្រែនដែលកំពុងរងការវាយប្រហារជារៀងរាល់ថ្ងៃផងដែរ។ បើរាប់ចាប់ពីសង្រ្គាមថ្ងៃដំបូងមក អាល្លឺម៉ង់គឺជាប្រទេសផ្តល់ជំនួយយោធាធំទីបីដល់អ៊ុយក្រែន បន្ទាប់ពីសហរដ្ឋអាម៉េរិក និងចក្រភពអង់គ្លេស៕
ប្រភព៖ ALJAZEERA
ប្រភពរូប៖ALJAZEERA
ប្រែសម្រួល៖សុខ តុលា
