ប្រធានាធិបតីអ៊ុយក្រែន លោក Volodymyr Zelenskyy បានចាប់ផ្តើមយុទ្ធនាការរៃអង្គាសលុយទិញដ្រូនសមុទ្រគ្មានមនុស្សបើកជាច្រើនគ្រឿង ដើម្បីទប់ទល់នឹងការវាយប្រហាររបស់រុស្ស៊ី។
យុទ្ធនាការ United24 ដែលជាគំនិតផ្តួចផ្តើមរបស់ Zelenskyy បានចាប់ផ្តើមហើយនៅសប្តាហ៍នេះ ដើម្បីរៃអង្គាសថវិកាសប្បុរសធម៌ជាច្រើនសែនដុល្លារ បន្ទាប់ពីការលុកលុយរបស់រុស្ស៊ីកាលពីខែកុម្ភៈបាននិយាយថា អ៊ុយក្រែនត្រូវការយន្តហោះគ្មានមនុស្សបើកចំនួន ១០០ គ្រឿងឈរជើងនៅសមុទ្រ ខណៈមួយគ្រឿងៗមានតម្លៃប្រហែល២៧៤.០០០ដុល្លារអាម៉េរិក។ គេហទំព័ររៃអង្គាសប្រាក់បាននិយាយថា ចាប់តាំងពីការឈ្លានពានបានចាប់ផ្តើម រុស្ស៊ីបានបាញ់មីស៊ីលជាង ៤.៥០០ គ្រាប់ចូលទៅក្នុងប្រទេសអ៊ុយក្រែន ហើយរាល់ការវាយប្រហារគឺចេញពីសមុទ្រ”។
Zelenskyy បានសរសេរនៅលើកម្មវិធីផ្ញើសារ Telegram កាលពីថ្ងៃសុក្រថា “យើងត្រូវតែការពារដែនទឹកនៃសមុទ្ររបស់យើង និងទីក្រុងសន្តិភាពពីកាំជ្រួចរុស្ស៊ីដែលបាញ់ចេញពីនាវា” ។ “យន្តហោះគ្មានមនុស្សបើករបស់កងទ័ពជើងទឹក ក៏នឹងជួយបិទច្រករបៀង បង្កើតដែនសុវត្ថិភាពសម្រាប់កប៉ាល់ស៊ីវិលដែលដឹកជញ្ជូនគ្រាប់ធញ្ញជាតិទៅកាន់ពិភពលោកដែរ”។ “ខ្ញុំប្រាកដថាមនុស្សរាប់លាននាក់នឹងគាំទ្រយុទ្ធនាការដ៏សំខាន់នេះ ដើម្បីការពារអ៊ុយក្រែន”៕
ប្រភព៖ ALJAZEERA
ប្រភពរូប៖ ALJAZEERA
ប្រែសម្រួល៖សុខ តុលា
