ភ្នំពេញ៖ លោក Masatsugu Asakawa ប្រធានធនាគារអភិវឌ្ឍន៍អាស៊ី (ADB) បានប្ដេជ្ញាពង្រឹងភាពជាដៃគូជាមួយកម្ពុជាឲ្យកាន់តែស៊ីជម្រៅថែមទៀតតាមរយៈការផ្ដល់ជំនួយ,ការជួយកៀរគរថវិកា,ការកៀរគរអ្នកវិនិយោគនិងកៀរគរបច្ចេកវិទ្យាដើម្បីជួយកម្ពុជាឲ្យក្លាយជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០និងប្រទេអភិវឌ្ឍន៍នៅឆ្នាំ២០៥០ពីនោះទៅទៀតជួយកម្ពុជាក្នុងការអភិវឌ្ឍន៍បៃតង ។
លោក Masatsugu Asakawa បានប្តេជាបែបនេះនៅក្នុងជំនួបពិភាក្សាការងារជាមួយសម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីកម្ពុជា នាព្រលប់ថ្ងៃទី ១១ ខែវិច្ឆិកា២០២២ នៅសណ្ឋាគារសុខារាជធានីភ្នំពេញ ខណៈរូបលោកអញ្ជើញមកចូលរួមវេទិកាកិច្ចសន្ទនាអាស៊ានជាសាកលលើកទី២ នៅ កម្ពុជា ។
ការឆ្លើយតបសម្ដេចតេជោបានថ្លែងអំណរគុណចំពោះលោក Masatsugu Asakawaដែលបានទទួលការអញ្ជើញរបស់សម្តេចមកចូលរួមចែករំលែកធាតុចូលក្នុងវេទិកាកិច្ចសន្ទ នាអាស៊ានជាសកលហើយក៏បានថ្លែងអំណរគុណADBផងដែរដែលបានគាំទ្រកម្ពុជាធ្វើឲ្យកម្ពុជាទទួលបានការអភិវឌ្ឍយ៉ាងឆាប់រហ័ស និងជួយកម្ពុជារួចផុតពីការរាតត្បាតនៃកូវីដ ១៩ សម្ដេចបានមានប្រសាសន៍ថា ADBគឺជាដៃគូដ៏ល្អ ហើយគម្រោងជាមួយ ADB តែងតែទទួលបានជោគជ័យ ៕ដោយៈសិរីមតី
