ភ្នំពេញ៖សេចក្តីប្រកាសព័ត៌មានរបស់ក្រសួងការបរទេសនិង សហប្រតិបត្តិការអន្តរជាតិ បានឱ្យដឹងថា៖លោក ប្រាក់ សុខុនឧបនាយក រដ្ឋមន្ត្រីរដ្ឋមន្ត្រីការបរទេសនិងសហប្រតិបត្តិការអន្តរជាតិនៃព្រះរាជាណាចក្រកម្ពុជានិងលោក មិកាមិ ម៉ាសាហ៊ីរ៉ូ (MIKAMI Masahiro)ឯកអគ្គរាជទូតជប៉ុនប្រចាំព្រះរាជាណាចក្រកម្ពុជានឹងចុះហត្ថលេខាលើលិខិតប្ដូរសារនិងឯកសារពាក់ព័ន្ធស្តីពីការផ្តល់ហិរញ្ញប្បទានឥតសំណងរបស់ជប៉ុនក្នុងទឹកប្រាក់ប្រមាណ៧,៣៩៨លានយ៉េនស្មើប្រមាណ៥១,៣ លានដុល្លារអាមេរិក នៅថ្ងៃទី១២ខែវិច្ឆិកាឆ្នាំ ២០២២ នៅសណ្ឋាគារសុខាភ្នំពេញ។
![](https://cambodiaflashnews.com/wp-content/uploads/2021/06/top-banner.gif)
ពិធីចុះហត្ថលេខានឹងប្រារព្ធធ្វើក្រោមអធិបតីភាពសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និង លោក គឺស៊ីដា ហ្វ៊ូមីអូ (KISHIDA Fumio) នាយករដ្ឋមន្ត្រីនៃប្រទេសជប៉ុន។
សេចក្តីប្រកាសពត៌មានដដែលនេះបានឱ្យដឹងថា៖ពិធីចុះហត្ថលេខាលើលិខិតប្ដូរសារនិងឯកសារពាក់ព័ន្ធស្តីពីការផ្តល់ហិរញ្ញប្បទានឥតសំណងរបស់ជប៉ុនរួមមាន៖
១.«គម្រោងសាងសង់អគារហ្វឹកហ្វឺន និងអគារផ្សព្វផ្សាយអប់រំយល់ដឹងពីសង្គ្រាមនៃមជ្ឈមណ្ឌលសកម្មភាពកំចាត់មីនកម្ពុជា»ដែលមានទឹកប្រាក់ចំនួន ២.៤៥១ លានយ៉េន(ប្រមាណ ១៧ លានដុល្លារអាមេរិក) ។
២. «កម្មវិធីអភិវឌ្ឍន៍សេដ្ឋកិច្ចនិងសង្គម»ដែលមានទឹកប្រាក់ចំនួន ១.១៥០លានយ៉េន (ប្រមាណ ៨ លានដុល្លារអាមេរិក)។
៣.«គម្រោងកែលម្អការគ្រប់គ្រងសំណល់វេជ្ជសាស្ត្រដែលអាចចម្លងមេរោគ »ដែលមានទឹកប្រាក់ចំនួន ៤៣៦ លានយ៉េន (ប្រមាណ ៣ លានដុល្លារអាមេរិក) ។
៤.«គម្រោងពង្រីកសមត្ថភាពប្រព័ន្ធផ្គត់ផ្គង់ទឹកស្អាត រោងចក្រភូមិព្រែក»ដែលមានទឹកប្រាក់ចំនួន ៣.៣៦១ លានយ័ន (ប្រមាណ ២៣លាន ៣សែន ដុល្លារអាមេរិក)។
ក្នុងពេលជាមួយគ្នានោះដែរលោកអគ្គបណ្ឌិតសភាចារ្យ អូន ព័ន្ធមុនីរ័ត្ន ក៏នឹងចុះហត្ថលេខាលើឯកសារដូចខាងក្រោមជាមួយភាគីជប៉ុន៖ .កិច្ចព្រមព្រៀង ហិរញ្ញប្បទានឥតសំណងសម្រាប់គម្រោងចំនួន ៣ ខាងលើដែលអនុវត្តដោយ JICAជាមួយលោកស្រី កាមេ ហារូកូ (KAMEI_Haruko) ប្រធានតំណាងការិ យាល័យទីភ្នាក់ងារកិច្ចសហប្រតិបត្តិការជប៉ុន (JICA) ប្រចាំកម្ពុជានិង អនុស្សារណៈនៃការយោគយល់គ្នារវាងក្រសួងសេដ្ឋកិច្ចនិងហិរញ្ញវត្ថុនិងក្រុមហ៊ុន Toyota Tsusho Corporation ជាមួយលោក តូហ្ស៊ីមីតស៊ូ អ៊ីម៉ៃ (Toshimitsu Imal )អគ្គនាយករងប្រតិបត្តិក្រុមហ៊ុន Toyota Tsusho Corporation ។
សូមបញ្ជាក់ថា៖ហិរញ្ញប្បទានឥតសំណងដែលផ្តល់ដោយរដ្ឋាភិបាលជប៉ុននេះនឹងរួមចំណែកយ៉ាងសំខាន់ដល់កិច្ចខិតខំប្រឹងប្រែងរបស់រាជរដ្ឋាភិបាលកម្ពុជាក្នុងការពនឿ នការអភិវឌ្ឍសេដ្ឋកិច្ចនិង សង្គមកម្ពុជាព្រមទាំងពង្រឹងបន្ថែមទៀតនូវកិច្ចសហប្រតិបត្តិការល្អ ដែលមានស្រាប់និងចំណងមិត្តភាពជា ប្រពៃណីរវាងប្រទេសទាំងពីរ ៕ដោយៈផាវី