ភ្នំពេញ៖ភាគីកម្ពុជា និងហ្វីលីពីន បានឯកភាពគ្នា ក្នុងការជំរុញការធ្វើពាណិជ្ជកម្មអង្ករ ឲ្យកាន់តែឆាប់រហ័ស ទាំងក្នុងក្របខណ្ឌរដ្ឋ និងរដ្ឋ ឯកជន និងឯកជន។
![](https://cambodiaflashnews.com/wp-content/uploads/2021/06/top-banner.gif)
ការឯកភាពគ្នានេះធ្វើឡើងរវាងក្រុមហ៊ុន ហ្គ្រីនត្រេដ របស់ក្រសួងពាណិជ្ជកម្ម និងសហព័ន្ធស្រូវអង្ករកម្ពុជា ជាមួយនឹង សាជីវកម្មជំនួញអន្តរជាតិ Philippine International Trading Corporation ជាស្ថាប័នរដ្ឋរបស់ប្រទេសហ្វីលីពីន ក្នុងការចាត់ចែងលើចំនួននាំចូល និងចែកចាយនៅក្នុងប្រទេសហ្វីលីពីន។
កិច្ចប្រជុំពិភាក្សានេះ ភាគីកម្ពុជាដឹកនាំដោយលោក ចាន់ សុខទី ប្រតិភូរាជរដ្ឋាភិបាលទទួលបន្ទុក ជាប្រធានអគ្គនាយក ក្រុមហ៊ុន ហ្គ្រីន ត្រេដ និងដោយភាគីខាងប្រទេសហ្វីលីពីន ដឹកនាំដោយលោកស្រី Emmie Liza Perez-Chiong ជាប្រធានអគ្គនាយកសាជីវកម្ម Philippine International Trading Corporation ។
នៅក្នុងកិច្ចប្រជុំ ភាគីទាំងពីរបានធ្វើការពិភាក្សាអំពីលទ្ធភាព និងយន្តការលើការការដឹកជញ្ជូនភ័ស្តុភារកម្ម និងស្តង់ដារអង្ករដែលភាគីប្រទេសហ្វីលីពីនមានតម្រូវការ។ ជារួមសម្រាប់កម្ពុជា គឺត្រៀមខ្លួនរួចជាស្រេចក្នុងដំណើរការពាណិជ្ជកម្មជាមួយប្រទេសហ្វីលីពីន៕ដោយៈសិរីមតី