បាត់ដំបង៖កម្លាំងនគរបាលស្រុកសំឡូត កាលពីល្ងាចទី១០ ខែវិច្ឆិកា បានចាប់មុខសញ្ញាជួញដូរ គ្រឿងញៀនម្នាក់ចំណោម២នាក់ ហើយបានរៀបចំសំណុំរឿងនិងបញ្ជូនទៅតុលាការ។
សមត្ថកិច្ចបានឱ្យដឹងថា ក្នុងប្រតិបត្តិការបង្ក្រាប ជំនាញបានចាប់ខ្លួនបុរសម្នាក់នៅស្រុកសំឡូត ខេត្តបាត់ដំបង។ជនសង្ស័យឈ្មោះខាន់ ណុក អាយុ៣៩ឆ្នាំ នៅភូមិភ្នំរៃ ឃុំតាតោក ស្រុកសំឡូត ខេត្តបាត់ដំបង។ជាមួយនោះដកហូតគ្រឿងញៀនមេតំហ្វេតាមីន ICE ចំនួន១ថង់ ម៉ូតូម៉ាកហុងដាឌ្រីម ផ្លាកលេខបាត់ដំបង 1AH-6840 ។
សមត្ថកិច្ចបានបន្តស្រាវជ្រាវតាមចាប់មេខ្លោងម្នាក់ទៀតឈ្មោះវ៉ាន់ មនិល អាយុ៣៨ឆ្នាំ នៅភូមិភ្នំរៃ ឃុំតាតោក ស្រុកសំឡូត កំពុងរត់គេចខ្លួនបាត់។ក្រោយមកជនសង្ស័យ រួមជាមួយវត្ថុតាង ត្រូវនគរបាលស្រុកសំឡូតកសាងសំណុំរឿងត្រៀមបញ្ជូនទៅតុលាការដើម្បីចាត់ការតាមនីតិវិធី៕ដោយ៖វិចិត្រ
