ព្រះវិហារ៖អគ្គិភ័យបានឆេះបំផ្លាញតូបចំនួន៥ ខូចខាតសម្ភារនិងទ្រព្យសម្បត្តិអស់ទាំងស្រុងនៅក្រោយផ្សារកំពង់ប្រណាក ក្រុងព្រះវិហារ កាលពីម៉ោងជាង៨យប់ ថ្ងៃទី១០ ខែវិច្ឆិកា។
![](https://cambodiaflashnews.com/wp-content/uploads/2021/06/top-banner.gif)
មន្ត្រីរដ្ឋបាលសាលាខេត្តបានឱ្យដឹងថា ពេលអគ្គិភ័យបានកើតឡើងភ្លាម មានរថយន្តបាញ់ទឹករបស់ស្នងការនគរបាលខេត្តព្រះវិហារបានចេញអន្តរាគមន៍។ប៉ុន្តែដោយសារកម្លាំងភ្លើងឆាបឆេះខ្លាំងពេក ក៏បន្តរហូតដល់ម៉ោង១០យប់ទើបរលត់ទាំងស្រុង។ខណៈនោះឃើញមានបញ្ជាផ្ទាល់ពីលោក គីម រិទ្ធី អភិបាលខេត្តព្រះវិហារ ស្នងការនគរបាលខេត្ត មេបញ្ជាការកងរាជអាវុធហត្ថខេត្ត។
មន្ត្រីដដែលបានបន្តថា គ្រោះអគ្គិភ័យនេះបណ្ដាលឱ្យតូបចំនួន៥ឆេះអស់ទាំងស្រុង។តែគេនៅមិនទាន់ដឹងពីទំហំនៃការខាតបង់ទ្រព្យសម្បត្តិនៅឡើយទេ។នៅព្រឹកថ្ងៃទី១១ ខែវិច្ឆិកានេះសមត្ថកិច្ចសមត្ថកិច្ចបានបញ្ជាក់មូលហេតុដែលនាំឲ្យកើតមានអគ្គិភ័យនេះគឺដោយសារទុស្សចរន្តអគ្គិសនី៕ដោយ:សុខុម