ការបរិភោគអាហារផ្អែមខ្លាំងពេកគឺជាមូលហេតុសំខាន់ក្នុងការបង្កើតឱ្យកើតរោគជំងឺយ៉ាងច្រើនតាមសួររកនៅគ្រាថ្ងៃខាងមុខដែលមិនអាចចៀសផុតឡើយ។អង្គការសុខភាពពិភពលោក (WHO) បានធ្វើការណែនាំថា បរិមាណសារជាតិស្ករដែលមនុស្សយើងបរិភោគគឺមិនឱ្យលើសក្នុងមួយថ្ងៃចំនួន៦ស្លាបព្រាកាហ្វឡើយ។សម្រាប់រោគជំងឺដែលប្រឈមមានដូចជា៖រោគធាត់ ជំងឺទឹកនោមផ្អែម និងរោគជំងឺដទៃទៀត។
តាមលទ្ធផលនៃការសិក្សាស្រាវជ្រាវបានឱ្យដឹងថា ភេសជ្ជៈដែលមនុស្សយើងចូលចិត្តបរិភោគ និងអ្នកខ្លះញៀនមិនអាចអត់បានរៀងរាល់ថ្ងៃនេះដូចជា៖ តែសូដាក្រហម អាចមានបរិមាណទឹកស្ករ គិតជាមធ្យមដល់ទៅ ១៥,៥ស្លាបព្រាកាហ្វេ តែក្រូចឆ្មារមានលាយស្ករ ១២,៦ស្លាបព្រាកាហ្វេ និងភេសជ្ជៈផ្អែមដទៃៗទៀតតែងមានបរិមាណសារជាតិស្ករលើសតម្រូវការដែលមានន័យថា បើសិនយើងបរិភោគគ្រឿងភេសជ្ជៈផ្អែម ១កែវមានបរិមាណ២៥មិលី្លក្រាមដែលជាបរិមាណលើសចំនួននៃសេចក្តីត្រូវការរបស់រាងកាយក្នុងមួយថ្ងៃៗ។
តើភេសជ្ជៈនីមួយៗដែលអ្នកបរិភោគមានបរិមាណសារជាតិស្ករខ្ពស់ប៉ុនណាដែរ?
*ទឹកដោះគោទឹកកក
តាមធម្មតាមានបរិមាណជាតិស្ករគិតជាមធ្យម ១២ស្លាបព្រាកាហ្វេ
*សូដាក្រហម
មានសារជាតិស្ករគិតជាមធ្យមប្រមាណ១៦ស្លាបព្រាកាហ្វេ
*កាហ្វេទឹកដោះគោទឹកកក
មានបរិមាណសារជាតិស្ករគិតជាមធ្យម១១ស្លាព្រាបកាហ្វេ
*តែគុជ
ជាធម្មតានឹងមានបរិមាណសារជាតិស្ករគិតជាមធ្យម១១ស្លាបព្រាកាហ្វេ
*តែបៃតង
មានបរិមាណសារជាតិស្ករគិតជាមធ្យម១១ស្លាបព្រាកាហ្វេ
*កូកាកូឡា
មានបរិមាណសារជាតិស្ករគិតជាមធ្យមប្រមាណ១១ស្លាបព្រាកាហ្វេ
*តែទឹកកក
មានបរិមាណសារជាតិស្ករគិតជាមធ្យមប្រមាណ១១ស្លាបព្រាកាហ្វេ
*អូវ៉ាន់ធីន
មានបរិមាណសារជាតិស្ករគិតជាមធ្យមប្រមាណ ១៣ស្លាបព្រាកាហ្វេ
ប្រែសម្រួលពីឯកសារបរទេស
ដោយ៖ឧត្តម