ខេត្តព្រះសីហនុ៖ ថ្ងៃឈប់សម្រាកព្រះរាជពិធីបុណ្យអុំទូក រយៈពេល ៣ថ្ងៃ ចាប់ពីថ្ងៃទី៧-៩ ខែវិច្ឆិកា ឆ្នាំ២០២២ នៅខេត្តព្រះសីហនុ មានភ្ញៀវទេសចរជាតិ និងអន្តរជាតិ ទៅលេងកម្សាន្ត សរុបចំនួន ៤៩៤ ៩១៩នាក់។
![](https://cambodiaflashnews.com/wp-content/uploads/2021/06/top-banner.gif)
តាមរបាយការណ៍របស់មន្ទីរទេសចរណ៍ ខេត្តព្រះសីហនុ នៅថ្ងៃទី១នៃព្រះរាជពិធីបុណ្យអុំទូ ត្រូវនឹងថ្ងៃទី៧ ខែវិច្ឆិកាមានភ្ញៀវទេសចរជាតិ និងអន្តរជាតិ ទៅលេងកម្សាន្តខេត្តព្រះសីហនុ សរុបចំនួន ១០៧.៣៧១នាក់។ ថ្ងៃទី២ នៃពិធីបុណ្យអុំទូកត្រូវនឹងថ្ងៃទី៨ខែវិច្ឆិកាឆ្នាំ២០២២ មានភ្ញៀវទេសចរសរុបចំនួន ២១៥.៥៥២នាក់។រីឯថ្ងៃទី៣ត្រូវនឹងថ្ងៃទី៩វិច្ឆិកានៅខេត្តព្រះសីហនុទទួលបានភ្ញៀវទេសចរចំនួន១៧១. ៩៩៦ នាក់។
កំណើនភ្ញៀវទេសចរ មកលេងសមុទ្រនេះ ត្រូវបានមន្ទីរទេសចរណ៍ ប្រកាសថា ក្រោយមានផ្លូវល្បឿនលឿនភ្នំពេញ-ព្រះសីហនុ និងការអភិវឌ្ឍហេដ្ឋារចនាសម្ព័ន្ធ ការការពារសន្តិសុខសណ្តាប់ធ្នាប់ អនាម័យ បរិស្ថានបានយ៉ាងល្អប្រសើរដែលជាការទាក់ទាញភ្ញៀវទេសចរ ជាតិ និងអន្តរជាតិ ចង់មកកំសាន្តក្នុងខេត្តព្រះសីហនុ៕ដោយៈផាវី