ភ្នំពេញ៖ភ្លើងបានឆាបឆេះតូបលក់ទំនិញជាគ្រឿងអលង្ការនិងភេសជ្ជៈ ក្នុងផ្សារទំនើបផេនសលមាត់ទន្លេ ដោយបានបំផ្លាញសម្ភារអស់ជាច្រើន។គ្រោះអគ្គិភ័យនេះបានបង្កការភ្ញាក់ផ្អើលស្ថិតនៅផ្សារទំនើបផេនសល ក្នុងសង្កាត់ចតុមុខ ខណ្ឌដូនពេញ កាលពីម៉ោង៦ព្រឹក ថ្ងៃទី៤ ខែវិច្ឆិកា។
ពលរដ្ឋនៅជិតទីនោះបានឱ្យដឹងថា មុនកើតហេតុ គេឃើញផ្សែងហុយចេញពីតូបនៅក្នុងផ្សារហើយភ្លើងក៏បានឆាបឆេះតូបលក់គ្រឿងអលង្ការចំនួន២និងភេសជ្ជៈ។
ភ្លាមនោះសមត្ថកិច្ចមូលដ្ឋានបានទាក់ទងទៅនគរបាលបង្ការពន្លត់អគ្គិភ័យចេញរថយន្ត៤គ្រឿងមកបាញ់ទឹកពន្លត់ ភ្លើងក៏រលត់ តែមិនឆេះរាលដាលនិងបណ្តាលឱ្យមនុស្សរងគ្រោះថ្នាក់ទេ។អគ្គិភ័យខាងលើនេះ សមត្ថកិច្ចជំនាញបានស្រាវជ្រាវដើម្បីរកមូលហេតុនៃការឆេះ នេះ៕ដោយ៖វិចិត្រ
