សៀមរាប៖ រដ្ឋមន្ត្រីទេសចរណ៍នៃប្រទេសសមាជិកអេកម៉ិក (ACMECS)និងប្រទេសសមាជិកCLMVបានកោតសរសើរចំពោះការរៀបចំ តំបន់ទេសចរណ៍Pub Street របស់ខេត្តសៀមរាបដែលកំពុងមានភាពទាក់ទាញភ្ញៀវទេសចរកាន់តែច្រើនឡើងវិញបន្ទាប់ពីផ្អាកសកម្ម ភាពទេសចរណ៍ដោយសារតែការរីករាលដាលជំងឺកូវីដ១៩។
![](https://cambodiaflashnews.com/wp-content/uploads/2021/06/top-banner.gif)
ការកោតសរសើរនេះត្រូវបានលើកឡើងនាអំលុងពេលកិច្ចប្រជុំរដ្ឋមន្ត្រីទេសចរណ៍អេកម៉ិកលើកទី៥ និងកិច្ចប្រជុំរដ្ឋមន្ត្រីទេសចរណ៍ CLMV លើកទី៦ ចាប់ពីថ្ងៃទី៣១ ខែតុលា ដល់ថ្ងៃទី៥ ខែវិច្ឆិកា ឆ្នាំ២០២២។
គួរជម្រាបថា នាឱកាសអញ្ជើញមកដល់កម្ពុជាដើម្បីចូលរួមក្នុងកិច្ចប្រជុំធំៗទាំងពីរនេះ លោក ថោង ខុន រដ្ឋមន្ត្រីក្រសួងទេសចរណ៍ បានដឹកនាំរដ្ឋមន្ត្រីទេសចរណ៍និងប្រតិភូនៃប្រទេសសមាជិកអេកម៉ិក និង CLMV ដទៃទៀតទៅទស្សនកិច្ចនៅតំបន់ទេសចរណ៍នាពេលរាត្រី Pub Street នាក្រុងសៀមរាប។
នាដំណើរទស្សនកិច្ចនោះ គណៈប្រតិភូនៃប្រទេសជាសមាជិកអេកម៉ិក ក៏ដូចជាប្រទេសសមាជិក CLMV បានដើរទស្សនកិច្ចដោយថ្មើរ ជើងនៅតាមផ្លូវនៃតំបន់ Pub Street នោះប្រកបដោយភាពសប្បាយរីករាយ និងទទួលបានការស្វាគមន៍ពីសំណាក់ភ្ញៀវទេសចរជាតិនិងអន្តរជាតិដែលកំពុងដើរលេងកម្សាន្តនៅទីនោះ។
គណៈប្រតិភូបានមើលឃើញពីសក្ដានុពលនៅតំបន់Pub Streetដែលជាផលិតផលទេសចរណ៍ដ៏ទាក់ទាញមួយផ្ដល់ជូននូវការកម្សាន្ត សប្បាយបន្ថែមសម្រាប់ភ្ញៀវទេសចរដែលមកដល់ទឹកដីខេត្តសៀមរាប។
គណៈប្រតិភូសមាជិកអេកម៉ិកនិងCLMV ក៏បានកោតសរសើរដល់កម្ពុជាចំពោះការរៀបចំតំបន់ទេសចរណ៍រាត្រីPub Street នេះឱ្យមា ន ភាពទាក់ទាញឡើងវិញនៅតាមដងផ្លូវមានភាពស្អាតជាងមុនការរៀបចំតុបតែងនៅតាមហាងនីមួយៗកាន់តែមានសោភ័ណភាព បន្ទាប់ ពីផ្អាកសកម្មភាពទេសចរណ៍ ក៏ដូចជាការបិទបណ្ដោះអាសន្នដោយសារតែការរីករាលដាលជំងឺកូវីដ១៩។ Pub Street គឺជាតំបន់ទេស ចរណ៍នាពេលរាត្រីតូចមួយនៅខេត្តសៀមរាបដែលភ្ញៀវទេសចរបរទេសទូទៅទទួលស្គាល់ជាពិភពលោកដ៏តូចមួយ(Small World)៕ដោយៈសិរីមតី