ភ្នំពេញ៖បុរសជនជាតិចិនម្នាក់បានរថយន្តម៉ាក ALPHARD បុកម៉ូតូសណ្ដោងរ៉ឺម៉កពីក្រោយពេញទំហឹង បណ្ដាលឱ្យបុរសម្នាក់ស្លាប់ភ្លាម និងម៉ូតូរងការខូចខាតស្ទើរទាំងស្រុង។គ្រោះថ្នាក់ចរាចរនេះ បានកើតឡើងនៅមុខមណ្ឌលសុខភាព ព្រែកឯង តាមផ្លូវជាតិលេខ១ ក្នុងសង្កាត់ព្រែកឯង ខណ្ឌច្បារអំពៅ កាលពីរំលងអធ្រាត្រឈានចូលថ្ងៃទី៤ ខែវិច្ឆិកា។
![](https://cambodiaflashnews.com/wp-content/uploads/2021/06/top-banner.gif)
មន្ត្រីនគរបាលបានឱ្យដឹងថា បុរសដែលស្លាប់ឈ្មោះ សួរ សុខុន អាយុ ៤៨ឆ្នាំ ជាអ្នករត់ម៉ូតូរ៉ឺម៉ក នៅភូមិកោះប្រាក់ ស្រុកកៀនស្វាយ ខេត្តកណ្ដាល ។ មុនកើតហេតុ បុរសរងគ្រោះបានបើកម៉ូតូ សណ្តោងរ៉ឺម៉កតាមផ្លូវជាតិលេខ១ពីកើតទៅលិច ។ពេលនោះក៏មានរថយន្តម៉ាក TOYOTA ALPHARD ផ្លាកលេខ ភ្នំពេញ 2BB-8289 បើកបរដោយបុរសចិន បានបុកម៉ូតូសណ្តោងរ៉ឺម៉កនោះពីក្រោយ ពេញទំហឹង បណ្ដាលឱ្យម្ចាស់រ៉ឺម៉កស្លាប់ភ្លាម។ រីឯម៉ូតូរ៉ឺម៉កខូចខាតស្ទើរទាំងស្រុង និងរថយន្តបង្ក ខូចខាតខាងមុខយ៉ាងដំណំ។ក្រោយកើតហេតុ សមត្ថកិច្ចបានឃាត់តៃកុងរថយន្តបង្កយកទៅប៉ុស្ដិ៍ នគរបាលព្រែកឯងដើម្បីបន្តនីតិវិធី៕ដោយ៖វិចិត្រ