បន្ទាយមានជ័យ ៖ ជាមួយនឹងកម្មវិធីឈ្នះរង្វាន់ប្រាក់លាន និងក្លាយជាសេដ្ឋីភ្លាមៗពីភេសជ្ជៈប៉ូវកម្លាំង ខារ៉ាបាវពេលនេះក្រុមហ៊ុនបានបន្តរកឃើញអតិថិជនដែលមានសំណាងបានឈ្នះរង្វាន់ធំនូវទឹកប្រាក់សុទ្ធចំនួន ១០០លានរៀលម្នាក់ទៀតហើយ ដែលជាអ្នករស់នៅក្រុងប៉ោយប៉ែត ខេត្តបន្ទាយមានជ័យ។
អតិថិជនដែលមានសំណាងនោះ គឺលោកស្រី មាស ស៊ីណា ភេទស្រី អាយុ ៣៨ឆ្នាំ មានមុខរបរជាបុគ្គលិកបម្រើការងារនៅក្នុងកាស៊ីណូក្រុងប៉ោយប៉ែត និងមានកូន៣នាក់នៅក្នុងបន្ទុក បច្ចុប្បន្នស្នាក់នៅបន្ទប់ជួលក្នុងភូមិប៉ាឡេឡៃ២សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
អ្នកស្រីបានប្រាប់ឱ្យដឹងថា អ្នកស្រីនិងក្រុមគ្រួសារមានស្រុកកំណើតនៅភូមិបូសខ្នុរ ឃុំបូសខ្នុរ ស្រុកចំការលើ ខេត្តកំពង់ចាមប៉ុន្តែដោយសារតែជីវភាពគ្រួសារមានការខ្វះខាតក៏សម្រេចចិត្តចេញឃ្លាតឆ្ងាយពីក្រុមគ្រួសារមកបម្រើការងារជាបុគ្គលិកកាស៊ីណូនៅក្រុងប៉ោយប៉ែត ខណៈដែលប្ដីរបស់អ្នកស្រីទៅបម្រើការងារជាកម្មកររោងចក្រនៅរាជធានីភ្នំពេញហើយទុកកូនចំនួន០៣នាក់ឱ្យរៀននៅស្រុក។
អ្នកស្រី មាស ស៊ីណា បានប្រាប់ថា ៖ «ជារៀងរាល់ថ្ងៃអ្នកស្រីតែងទទួលទានភេសជ្ជៈ ខារ៉ាបាវ ១ ឬ ២ កំប៉ុង ជាប្រចាំ ព្រោះវាជួយឱ្យមានកម្លាំងជាពិសេក្រោយពេលហត់នឿយពីធ្វើការងារ។ដោយឡែកសម្រាប់ការត្រូវរង្វាន់នេះគឺជារឿងដែលមិននឹកស្មានដល់នោះឡើយ ដោយកាលពីថ្ងៃចុងសប្ដាហ៍កន្លងទៅនេះ នៅពេលត្រឡប់ពីធ្វើការវិញខ្ញុំបានទិញភេសជ្ជៈខារ៉ាបាវពីអ្នកលក់នៅក្បែរបន្ទប់ជួលចំនួន១កំប៉ុងមកទទួលទានលុះពេលគាស់ស្រាប់តែឃើញមានរង្វាន់ ១០០លានរៀលតែម្ដង។ ពេលឃើញភ្លាម ខ្ញុំពិតជាភ្ញាក់ផ្អើលជាខ្លាំងហើយស្រែកប្រាប់អ្នកដែលនៅក្បែរមកជួយពិនិត្យមើល ហើយក៏ទូរស័ព្ទប្រាប់ដំណឹងដល់ក្រុមហ៊ុនតាមរយៈលេខទូរស័ព្ទដែលមាននៅក្រវិលកំប៉ុងស្រាប់តែម្ដង»។
អ្នកស្រីបានបញ្ជាក់ថា ៖ «តាំងពីដើមមក នៅពេលដែលឃើញគេឡើងទទួលរង្វាន់ធំ និងផ្សព្វផ្សាយនៅតាមស្ថានីយ៍ទូរទស្សន៍ ខ្ញុំតែងនឹកស្រមៃថា ថ្ងៃណាមួយខ្ញុំនឹងមានវាសនាត្រូវរង្វាន់ដូចគេដែរ ហើយថ្ងៃនេះ ក្ដីស្រមៃរបស់ខ្ញុំបានក្លាយជាការពិតមែន»។
អ្នកស្រីបានបញ្ជាក់ប្រាប់ថា ទឹកប្រាក់១០០លានរៀលនេះពិតជាមានសារសំខាន់ខ្លាំងណាស់សម្រាប់ជីវិត និងក្រុមគ្រួសាររបស់អ្នកស្រី ហើយក្រោយពេលទទួលបានអ្នកស្រីនឹងយកមួយចំនួនសងបំណុលធនាគារឯកជន ហើយសល់ប៉ុន្មានទុកសម្រាប់បង្កើតមុខរបរដើម្បីផ្គត់ផ្គង់ជីវភាពគ្រួសារទៅថ្ងៃអនាគត់។
ជាចុងក្រោយ អ្នកស្រី មាស ស៊ីណា បានថ្លែងអំណរគុណចំពោះក្រុមហ៊ុនភេសជ្ជៈប៉ូវកម្លាំង ខារ៉ាបាវ ដែលបានបង្កើតកម្មវិធីផ្តល់រង្វាន់នូវទឹកប្រាក់យ៉ាងច្រើនសន្ធឹកសន្ធាប់ និងបានជួយកែប្រែនូវជីវភាពគ្រួសារប្រជាពលរដ្ឋដែលធ្លាប់តែក្រលំបាកដូចខ្ញុំឱ្យមានជីវភាពធូរធារ មានលុយគ្រប់គ្រាន់ហ្នឹងគេ៕
