កណ្ដាល៖កាលពីថ្ងៃទី២ ខែវិច្ឆិកា មានក្មេង៣នាក់បានលង់ទឹកស្លាប់នៅកន្លែងផ្សេងៗគ្នា។ហេតុការណ៍ទី១-នៅស្រុកកណ្ដាលស្ទឹង ទី២-នៅស្រុកល្វាឯម ក្នុងខេត្តកណ្ដាល។
![](https://cambodiaflashnews.com/wp-content/uploads/2021/06/top-banner.gif)
មន្ត្រីនគរបាលខេត្តកណ្តាលបានឱ្យដឹងថា ក្មេង៣នាក់ដែលបានលង់ទឹកស្លាប់នោះករណីទី១-នៅស្រះទឹកក្នុងវត្តភូមិតាឡឹក ឃុំត្រពាំងវែង ស្រុកកណ្ដាលស្ទឹង ខេត្តកណ្ដាល កាលពីល្ងាចថ្ងៃទី២ខែវិច្ឆិកា បណ្ដាលឱ្យស្លាប់២នាក់។ក្មេងប្រុស២នាក់ស្លាប់ឈ្មោះ ពៅ រតនា អាយុ១៣ឆ្នាំជាសិស្សនៅភូមិគ្រាំងឈើនាង ឃុំត្បែងស្រុក កណ្តាលស្ទឹង ខេត្តកណ្តាល។ឈ្មោះសុង ហ៊ូអ៊ីន អាយុ១៤ឆ្នាំ ជាសិស្សនៅភូមិឃុំខាងលើ។
ទី២-នៅម្តុំឆ្នេរទន្លេមេគង្គក្រោម ក្នុងភូមិក្តីកណ្តាល ឃុំសារិកាកែវ ស្រុកល្វាឯម ខេត្តកណ្ដាល កាលពីល្ងាចថ្ងៃទី២ខែ វិច្ឆិកា បណ្ដាលឱ្យក្មេងប្រុសម្នាក់ស្លាប់ឈ្មោះឈុន សុខណេត អាយុ៦ឆ្នាំ នៅបន្ទុកឪពុកម្តាយភូមិឃុំខាងលើ។
ក្រោយពីមានកូនសំណព្វចិត្តបាត់បង់ជីវិតដោយសារការលង់ទឹករួចមក ក្រុមគ្រួសារបានយកសពទៅធ្វើបុណ្យរៀងៗខ្លួនដោយមានទុក្ខសង្រេងជាទីបំផុត៕ដោយ៖វិចិត្រ