ប៉ៃលិន៖កម្លាំងនគរបាលប៉ុស្តិ៍សាលាក្រៅ បានចាប់បុគ្គលិកក្រុមហ៊ុន“ប្រសិទ្ធភាពក្រេឌីត”ម្នាក់ពាក់ព័ន្ធទៅទារលុយគេជំពាក់តែម្ដាយមិននៅ ក៏ចាប់កូនស្រីអាយុ១២ឆ្នាំរំលោភបានសម្រេច។ករណីខាងលើបានកើតឡើងនៅត្រង់ស្រែម្អម ស្ថិតក្នុងភូមិភ្នំស្ពង់ ឃុំសាលាក្រៅ ស្រុកសាលាក្រៅ ខេត្តប៉ៃលិន កាលពីរសៀលថ្ងៃទី១ ខែវិច្ឆិកា។
មន្ត្រីនគរបាលបានឱ្យដឹងថា នៅថ្ងៃកើតហេតុ មានទូរសព្ទពីមេភូមិភ្នំស្ពង់និងម្តាយក្មេងរងគ្រោះប្រាប់ថា ជនសង្ស័យចាប់រំលោភសេពសន្ថវៈអនីតិជនអាយុក្រោម១៥ឆ្នាំ។
ក្រោយពីទទួលបណ្តឹង កម្លាំងជំនាញបានចុះដល់គោលដៅ ហើយចាប់ខ្លួនអ្នកប្រព្រឹត្តបានភ្លាមៗ។បុរសនោះឈ្មោះង៉ែត វ៉ាឃីម អាយុ២០ឆ្នាំ ជាបុគ្គលិកក្រុមហ៊ុន“ប្រសិទ្ធភាពក្រេឌីត” នៅភូមិសួនអំពៅកើត សង្កាត់ប៉ៃលិន។ចំណែកក្មេងរងគ្រោះអាយុ១២ឆ្នាំ ជាសិស្ស រស់នៅភូមិភ្នំស្ពង់ ក្រុងប៉ៃលិន។
បន្ទាប់ពីឃាត់ខ្លួន ជនសង្ស័យបានសារភាពថា រូបគេពិតជាបានប្រព្រឹត្តទៅលើក្មេងស្រីអនីតិជនប្រាកដមែន ហើយនគរបាលបានចាត់វិធានការតាមនីតិវិធី៕ដោយ៖វិចិត្រ