រដ្ឋាភិបាលប្រទេសម៉ុលដាវី កាលពីថ្ងៃចន្ទសប្តាហ៍នេះ បានប្រកាសដកអ្នកតំណាង ស្ថានទូតរុស្ស៊ីចេញ បន្ទាប់ពីមីស៊ីលរុស្ស៊ីបានជ្រុលធ្លាក់ចូលទឹកដីរបស់ខ្លួន។
យោងតាមក្រសួងការបរទេសប្រទេសម៉ុលដាវីបានឲ្យដឹងថា ម៉ុលដាវីសម្រេចដកអ្នក តំណាងស្ថានទូតរុស្ស៊ីប្រចាំទីក្រុង Chisinau ក្រោមពិធីការទូត បុគ្គលមិនស្វាគមន៍ ឬហៅថា persona non grata។ ព័ត៌មានបន្ថែមក្រសួងមិនបានកំណត់អត្តសញ្ញាណរបស់បុគ្គលនោះទេ ប៉ុន្តែក្នុងសេចក្តីថ្លែង ការណ៍បានលើកឡើងពីកង្វល់សន្តិសុខរដ្ឋ គំរាមកំហែងដល់ពលរដ្ឋ ក្រោយមានការវាយ ប្រហារដោយមីស៊ីលរុស្ស៊ីជ្រុលធ្លាក់លើដីម៉ុលដាវីនៅជាប់អ៊ុយក្រែន។
ក្រសួងមហាផ្ទៃប្រទេសម៉ុលដូវីបានលម្អិតរបាយការណ៍ថា កម្ទេចកម្ទីកាំជ្រួចរុស្ស៊ីពិតជាបានធ្លាក់នៅភូមិភាគខាងជើងនៃប្រទេសម៉ុលដាវីមែន បន្ទាប់ពីបានវាយប្រហារលើអ៊ុយក្រែននៅថ្ងៃចន្ទ។ ជុំវិញព័ត៌មាននេះ រុស្ស៊ីមិនទាន់ផ្តល់ការឆ្លើយតបនោះទេ៕
ប្រភព៖ ALJAZEERA
ប្រភពរូប៖ALJAZEERA
ប្រែសម្រួល៖សុខ តុលា
