ប្រែសម្រួល៖ សហការី

លោក វ្ល៉ាឌីមៀ ពូទីន កំពុងប្រើរាងកាយភ្លោះយ៉ាងតិចបីនាក់ បន្ទាប់ពីបានទទួលការវះកាត់កែរាងកាយ ឲ្យមើលឃើញដូចរូបគាត់។ ប្រភពមេចារកម្មអ៊ុយក្រែន អះអាងថា គេបានធ្វើការប៉ាន់ស្មានថា ពួកគេកំពុងត្រូវបានប្រើប្រាស់ ដើម្បីបិទបាំងអវត្តមានរបស់គាត់ក្នុងការគ្រប់គ្រងវិមានក្រឹមឡាំង។

ឧត្តមសេនីយ Kyrylo Budanov ប្រធានផ្នែកចារកម្មយោធាអ៊ុយក្រែនបានថ្លែងថា រដ្ឋាភិបាលអ៊ុយក្រែនមានការងឿងឆ្ងល់យ៉ាងខ្លាំងចំពោះយុទ្ធសាស្ត្រឈ្លានពានដ៏មហាវិនាសកម្មរបស់រុស្ស៊ី គេឆ្ងល់ថាតើលោកពូទីននៅតែគ្រប់គ្រងតំណែងក្នុងថាន:ជាអ្នកសំរេចកិច្ចការសំខាន់ៗដ៏ដែលឬយ៉ាងណា។

គាត់និយាយថា “កន្លងមកមិនថាឡើយលោកពូទីនអាក្រក់ប៉ុណ្ណឹង”  “គាត់មិនមែនជាមនុស្សតិរច្ឆាននោះទេ” ប៉ុន្តែគាត់នៅតែបន្តអះអាងថា  សង្រ្គាមឈ្លានពានរបស់ប្រទេសរុស្ស៊ី “មិនសមស្របទៅនឹងហេតុផលទាល់តែសោះហើយ” ។

Budanov ថ្លែងបញ្ជាក់ថា ការផ្តល់នូវយោបល់ដ៏ចម្លែកៗនេះ កើតឡើងចំពេលដែលលេចឡើងនូវពាក្យចចាមអារ៉ាមតៗគ្នាអំពីសុខភាពរបស់លោកពូទីន ដែលបានធ្វើឡើងនៅក្នុងបទសម្ភាសន៍ដោយផ្ទាល់ជាមួយបុរសដែលត្រូវបានគេមើលឃើញថាជាសត្រូវទី១ របស់ទីក្រុងម៉ូស្គូ ក្រោយពីមានការវាយប្រហារដ៏មហន្តរាយជាបន្តបន្ទាប់មកលើផលប្រយោជន៍របស់រុស្ស៊ី។

Budanov និយាយថាពួកគេបានចាប់យករូបភាពភ្លោះពីររបស់លោកពូទិនកាលពីអតីតកាលដែលនៅឈរជំនួសគាត់ក្នុង’ឱកាសពិសេសមួយ’ នេះជារឿងមិនធម្មតានោះទេ ។ គាត់ថ្លែងថា៖ “ យើងដឹងយ៉ាងច្បាស់គឺមានមនុស្សដូចៗគ្នាដល់ទៅបីនាក់ដែលបន្តលេចមុខជាបន្តបន្ទាប់ ប៉ុន្តែវានៅមានប៉ុន្មាននាក់ទៀតយើងមិនអាចដឹងបានទេ»។ “ពួកគេទាំងនោះបានឆ្លងកាត់ការវះកាត់កែរូបរាងដើម្បីឱ្យមើលទៅដូចៗគ្នា។ ចំណុចមួយដែលធ្វើឲ្យមើលឃើញថាខុសគ្នាឆ្ងាយគឺកម្ពស់របស់ពួកគេ។ គឺគេអាចមើលឃើញនៅក្នុងវីដេអូ និងរូបភាពខ្លីតែប៉ុន្នោះទេ។ កាយវិការ ភាសាកាយវិការ និងស្លឹកត្រចៀកផងដែរ ព្រោះវាមានលក្ខណៈខុសប្លែកពីគ្នាសម្រាប់មនុស្សគ្រប់រូប។’ Budanov បានបដិសេធមិនអធិបាយលើសំណួរដែលផ្តោតទៅលើការបាត់ខ្លួនរបស់ពូទិនថាតើកើតឡើងដោយសារអ្វីដោយសារជំងឺឬបាត់ខ្លួនក្រោយមានការបះបោរដណ្តើមអំណាច។ លោកបន្តថា វិមានក្រឹមឡាំងកំពុងជិតអស់កាំជ្រួចនាំផ្លូវ ហើយគាត់ជឿជាក់ថា ប្រសិនបើអ៊ុយក្រែនដណ្តើមបានទីក្រុង Kherson ភាគខាងត្បូងនោះ វានឹងធ្វើអោយរុស្ស៊ីជួបអាសន្នធំហើយ។

គាត់អះអាងថា នៅទីក្រុងមូស្គូ “ស្ថានការនឹងប្រែប្រួលគឺជៀសមិនរួចនោះទេ” ដោយលើកហេតុផលអំពីការលេចឡើងនូវសណ្តាប់ធ្នាប់នយោបាយថ្មីមួយនៅក្នុងប្រទេសរុស្ស៊ីដែលអាចផ្តល់អត្ថប្រយោជន៍ដល់”ពិភពលោកទាំងមូលដ៏ស៊ីវិល័យ” ហើយគាត់បានអំពាវនាវដល់ចក្រភពអង់គ្លេសទោះយ៉ាងណាក៏ដោយជួយធ្វើនូវអ្វីៗគ្រប់យ៉ាង “ដើម្បីធ្វើឲ្យព្រឹត្តិការណ៍មួយនេះឆាប់កើតឡើង ” ។ .

Budanov មានប្រសាសន៍ថា “យើងសំដែងការដឹងគុណចំពោះការផ្តល់ជំនួយដែលរដ្ឋាភិបាលរបស់អ្នកកំពុងផ្តល់ឲ្យ” ។ យើងសង្ឃឹមថាចក្រភពអង់គ្លេសនឹងមិនត្រឹមតែបន្តការគាំទ្រផ្នែកនយោបាយ សេដ្ឋកិច្ច និងយោធាប៉ុណ្ណោះទេប៉ុន្តែថែមទាំងបង្កើនបិមាណជំនួយថែមទៀត។ យើងកំពុងចង់បានរប្រព័ន្ធការពារដែនអាកាសជាទីបំផុត។’

លោកទទួលស្គាល់ថា មេដឹកនាំអ៊ុយក្រែននឹងត្រូវធ្វើការរពិភាក្សាអំពីការដាក់ពង្រាយកងកម្លាំងរបស់ខ្លួនតាមបណ្តោយព្រំដែនជាមួយរុស្ស៊ី។ គាត់និយាយថា “ការសម្រេចចិត្តនេះនឹងត្រូវធ្វើឡើងដោយប្រមុខរដ្ឋនៅពេលដែលយើងវាយតណ្តើមបានទឹកដីទាំងអស់របស់យើងមកវិញ” Budanov គឺជាអតីតកងទ័ពពិសេស ដែលត្រូវបានតែងតាំងជាប្រធានចារកម្មយោធាកាលពី ២ ឆ្នាំមុនកាលដែលគាត់ទើបមានអាយុ ៣៤ ឆ្នាំ បន្ទាប់មកត្រូវបានដំឡើងឋានៈមិនយូរប៉ុន្មានមុនពេលសង្រ្គាមដើម្បីគ្រប់គ្រងផ្នែកស៊ើបការណ៍សម្ងាត់ទាំងអស់។ គាត់ត្រូវបានរងរបួសជាច្រើនដងក្នុងពេលរចុះស៊ើបការណ៍។

ប្រព័ន្ធផ្សព្វផ្សាយរុស្ស៊ីបានផ្តល់រូបភាពរបស់គាត់ឲ្យទៅក្រុមប្រតិបត្តិការសម្ងាត់នៅគ្រីមៀ រួមជាមួយនឹងមន្ត្រីម្នាក់ទៀតដែលក្រោយមកបានស្លាប់នៅក្នុងការបំផ្ទុះរថយន្ត ខណៈពេលនេះដែរគាត់ត្រូវបានគេរាយការណ៍ថាគាត់ត្រូវបានគេកំណត់គោលដៅនៅក្នុងប្រទេសអ៊ុយក្រែនដោយមានការប៉ុនប៉ងធ្វើឃាតលើរូបគាត់នៅឆ្នាំ ២០១៩ ។

កាលពីសប្តាហ៍មុន អ្នកវិភាគរុស្ស៊ីឈានមុខគេម្នាក់បានលើកឡើងអំពីឥទ្ធិពលរបស់ Budanov ហើយបានប្រកាសយកជីវិតលោក។ គាត់សើចថា “បាទ ពួកគេហៅខ្ញុំជាផ្លូវការថា សត្រូវធំទី ១ គាត់សើច។

យើងបានជួបគ្នាក្នុងបន្ទប់ងងឹតមួយ បន្ទាប់ពីខ្ញុំត្រូវបានគេនាំទៅកាន់ទីនោះដោយមន្ត្រីដែលជាស្ត្រីចំណាស់ម្នាក់។ មានកាំភ្លើងយន្តរបស់អាឡឺម៉ង់នៅលើឥដ្ឋ និងកាំបិតចំនួនពីរនៅលើតុរបស់គាត់ រួមជាមួយនឹងក្តារអុក និងសៀវភៅអំពី Mossad ដែលជាភ្នាក់ងារចារកម្មអ៊ីស្រាអែល។

ដំបូងយើងបានពិភាក្សាអំពីអនាគតនៃសង្រ្គាម ដែលលោកបានព្យាករថានឹងបញ្ចប់នៅឆ្នាំក្រោយ។ នៅពេលខ្ញុំសួរថាតើការប្រយុទ្ធអាចបញ្ចប់ត្រឹមរដូវក្តៅទេ គាត់ឆ្លើយថា ‘ខ្ញុំពិតជាសង្ឃឹមយ៉ាងដូច្នេះមែន’។

កេរ្តិ៍ឈ្មោះរបស់គាត់មានភាពល្បីល្បាញមុនកើតសង្រ្គាមក្នុងនាមជាឥស្សរជនកំពូលអ៊ុយក្រែនតែមួយគត់ដែលគាំទ្រចក្រភពអង់គ្លេស និងសហរដ្ឋអាមេរិកជាសាធារណៈហើយបានព្រមានកាលពីពេលនោះថាលោកពូទីនកំពុងរៀបចំផែនការឈ្លានពានពេញទំហឹងនៅពេលដែលកងទ័ពរបស់គាត់បានប្រមូលផ្តុំនៅតាមព្រំដែន។

ឥឡូវនេះ Budanov មើលឃើញថា ការដណ្តើមយក Crimeaមកវិញ ជាបេសកកម្ម”ចំបងដោយផ្ទាល់” របស់អ៊ុយក្រែន។ ចាប់តាំងពីកុមារភាពមកគាត់បានចំណាយពេលក្នុងរដូវក្តៅនៅ Sevastopol ដែលជាកំពង់ផែរុស្ស៊ីហើយត្រូវបានអនុញ្ញាតឲ្យរក្សាទុកបន្ទាប់ពីទទួលបានឯករាជ្យ ហើយទីតាំងនេះនឹងត្រូវទុកកសាងមូលដ្ឋានកងនាវាចរសមុទ្រក្នុងសមុទ្រខ្មៅរបស់ខ្លួន។ គាត់គឺជាអ្នកប្រកាន់គោលជំហរដណ្តើមកវិញនូវឧបទ្វីបដែលត្រូវបានលោកពូទីនបញ្ចូលជាឧប្បសម្ព័ន្ធដោយខុសច្បាប់នៅក្នុងឆ្នាំ ២០១៤ នឹងត្រូវបានយកមកវិញ ហើយយើងកំពុងវាយបកទៅលើបុគ្គលទាំងឡាយដែលដោយសារការភ័យខ្លាចសង្គ្រាមរីករាលដាលឡើងពួកគេស្រែកថាអ៊ុយក្រែនមិនគួរបញ្ឆេះកំហឹងរុស្ស៊ី។

ចុះហានិភ័យនៃអាវុធនុយក្លេអ៊ែរវិញ? គាត់និយាយថា “វាគួរឱ្យភ័យខ្លាចណាស់” ។

អាវុធនុយក្លេអ៊ែមិនមែនជាអាវុធទេ វាជាមធ្យោបាយរារាំង។ ហើយរុស្ស៊ីដឹងច្បាស់ថាវាពិតជាមិនអាចប្រើប្រាស់ក្នុងការវាយប្រហារបានទេ។

“ប្រសិនបើអ្នកសិក្សានៅពេលដែលពួកគេចាប់ផ្តើមគម្រាមកំហែងយើង អ្នកនឹងឃើញការជាប់ទាក់ទងគ្នាយ៉ាងច្បាស់៖ នៅពេលដែលអ្វីៗមិនមានអំណោយផលដល់ពួកគេ ពួកគេចាប់ផ្តើមស្រែកថា “យើងអាចប្រើអាវុធនុយក្លេអ៊ែរបាន”។

Budanov គឺជាបុរសដែលរុស្ស៊ីបានស្តីបន្ទោសចំពោះការបំផ្ទុះនៅក្នុងខែនេះនៅលើស្ពានទៅកាន់គ្រីមៀ ដែលជាផ្លូវផ្គត់ផ្គង់ដ៏សំខាន់សម្រាប់កងកម្លាំងរបស់លោកពូទីននៅភាគខាងត្បូងអ៊ុយក្រែន។

Budanov បដិសេធមិនធ្វើអត្ថាធិប្បាយលើការវាយប្រហារនោះ ឬមុននេះលើគោលដៅយោធានៅគ្រីមេ ប៉ុន្តែគាត់បានបន្ថែមថា៖ ‘អ្វីដែលវាអាចនឹងកើតឡើងគឺវានឹងកើតឡើង។ យើងកំពុងធ្វើសង្រ្គាមជាមួយសហព័ន្ធរុស្ស៊ី។ យើងកំពុងប្រើគ្រប់មធ្យោបាយដើម្បីធ្វើឱ្យរុស្ស៊ីបរាជ័យ។’