ភ្នំពេញ៖បុរសម្នាក់បានស្លាប់ក្នុងតូបលក់ខោអាវរយៈពេល២ថ្ងៃទើបមិត្តភក្តិទូរសព្ទ ហៅផឹកស៊ីមិន ឆ្លើយតប ក៏មកតាមឃើញតូបបិទនាំ ហើយនាគ្នាគាស់ទ្វារ ស្រាប់តែ ឃើញសពតែម្តង។
ករណីបង្កការភ្ញាក់ផ្អើលនេះនៅភូមិជម្ពូវ័ន២ សង្កាត់ចោមចៅទី៣ ខណ្ឌពោធិ៍សែនជ័យ កាលពីម៉ោង១១ព្រឹក ថ្ងៃទី១ ខែវិច្ឆិកា ឆ្នាំ២០២២។ មិត្តភក្តិសពបានឱ្យដឹងថា បុរសដែល ស្លាប់ឈ្មោះ សាន់ សឿន អាយុ៣៨ឆ្នាំ ជាអ្នកលក់ខោអាវ ស្នាក់នៅកន្លែងខាងលើ មានទីកំណើតនៅភូមិព្រែករៃ ឃុំព្រែករៃ ស្រុកល្វាឯម ខេត្តកណ្តាល។
ប្រភពពីអ្នកនៅជិតទីនោះបានឱ្យដឹងថា មុនកើតហេតុ មានមិត្តភក្តិសពបានមករកដល់ បន្ទប់ដោយឆ្ងល់ថាបាត់២ថ្ងៃមិនឃើញសោះ។ពួកគាត់ទូរសព្ទហៅផឹកស៊ីមិនចូល ពេលមកដល់បន្ទប់ឃើញទ្វារបិទចាក់សោពីខាងក្នុង ទើបសម្រេចនាំគ្នាគាស់ទ្វារចូល ស្រាប់តែឃើញបុរសនោះស្លាប់បាត់ទៅហើយ។
បន្ទាប់មកសមត្ថកិច្ចបានចុះពិនិត្យ ហើយបានបញ្ជាក់ថាសពស្លាប់ដោយសារខ្យល់គរ៕ដោយ៖វិចិត្រ
