ភ្នំពេញ៖បុរសម្នាក់តូចចិត្តបងស្តីបន្ទោសបន្តិចបន្តួច ក៏សម្រេចចិត្តចងកសម្លាប់ខ្លួនឯងក្នុងបន្ទប់ជួលនៅភូមិឫស្សី២ សង្កាត់ស្ទឹងមានជ័យទី៣ ខណ្ឌមានជ័យ កាលពីយប់ថ្ងៃទី៣១ ខែតុលា។
![](https://cambodiaflashnews.com/wp-content/uploads/2021/06/top-banner.gif)
សមត្ថកិច្ចបានឱ្យដឹងថា អត្តឃាតជនឈ្មោះឈឹង កែវ អាយុ២៨ឆ្នាំ ស្នាក់នៅបន្ទប់ជួលជាមួយបង មានទីកំណើតភូមិរំចេក ឃុំត្រពាំងប្លុង ស្រុកពញ្ញាក្រែក ខេត្តត្បូងឃ្មុំ។មុនកើតហេតុ អត្តឃាតជនបានមកអង្គុយលេងនៅខាងមុខបន្ទប់ជួលជាន់ទី១ ទាំងទឹកមុខស្រងូតស្រងាត់ និងមានខ្សែមួយចង្វាយកាន់នៅដៃផង ដោយបានត្អូញត្អែរពីការពិបាកក្នុងគ្រួសារ។
ក្រោយមកបុរសនេះក៏បានយកខ្សែដើរចូលទៅខាងក្នុង រួចក៏ចងកសម្លាប់ខ្លួននៅក្នុងបន្ទប់នោះតែម្តង។បន្ទាប់ពីកើតហេតុ សមត្ថកិច្ចជំនាញបានចុះធ្វើកោសល្យវិច័យ ហើយបានបញ្ជាក់ថាស្លាប់ដោយសារចងកសម្លាប់ខ្លួនឯង៕ដោយ៖វិចិត្រ