ភ្នំពេញ៖កម្លាំងនគរបាលរាជធានីភ្នំពេញ កាលពីរសៀលថ្ងៃទី៣១ ខែតុលា បានបញ្ជូនជនសង្ស័យ៧នាក់ ពាក់ព័ន្ធកាប់ជនរងគ្រោះប្លន់យកម៉ូតូបានសម្រេចទៅតុលាការ ។
មន្ត្រីនគរបាលបានឱ្យដឹងថា ក្រុមជនសង្ស័យបានកាប់ជនរងគ្រោះប្លន់យកម៉ូតូ នៅផ្លូវជាតិលេខ៣ ភូមិគោកខ្សាច់ សង្កាត់ប្រទះឡាង ខណ្ឌកំបូល កាលពីរំលង អធ្រាត្រឈានចូលថ្ងៃទី២៩ ខែតុលា។ក្រោយមានសកម្មភាពកើតឡើងផ្នែកជំនាញស្រាវជ្រាវចាប់ជនសង្ស័យជាបន្តបន្ទាប់ក្នុងរាជធានីភ្នំពេញបានចំនួន៧នាក់។
ក្រុមជនសង្ស័យ៧នាក់នោះឈ្មោះ សួន មុន្នីវឌ្ឍនា, ឈ្មោះជាបូណាធីស័ក្ក, ឈ្មោះសុខ សុភី ,ឈ្មោះសែត រ៉ាវី, ឈ្មោះរ៉េត ការិទ្ធ, ឈ្មោះញាន សុថាននិងឈ្មោះ ភូ សុខហេង។ពួកគេមានអាយុពី១៨ដល់៣១ឆ្នាំ នៅសង្កាត់កាកាប១, សង្កាត់ចោមចៅ១, សង្កាត់ឃ្មួញ, សង្កាត់អូរបែកក្អម, ខណ្ឌពោធិ៍សែនជ័យ ខណ្ឌសែនសុខ និងសង្កាត់កំពង់កណ្តាល ក្រុងកំពត។
ចំណែកជនរងគ្រោះឈ្មោះខឹម ស្រស់ អាយុ៣៣ឆ្នាំ ជិះម៉ូតូម៉ាកហុងដា ផ្លាកលេខកំពង់ស្ពឺ 1O-6611។វត្ថុតាងចាប់បាន-ដាវ១-កាំបិតប៉័ងតោ១និងម៉ូតូជនរងគ្រោះ ។ក្រោយមកជនសង្ស័យនិងវត្ថុតាងត្រូវបានកម្លាំងជំនាញកសាងសំណុំរឿងបញ្ជូនទៅតុលាការភ្នំពេញដើម្បីចាត់ការតាមច្បាប់៕ដោយ៖វិចិត្រ
