ភ្នំពេញ៖គ្រោះថ្នាក់ចរាចរកើតឡើងដោយមានបុរសម្នាក់ជិះម៉ូតូលឿន បានជ្រុលទៅបុក រថយន្តធំពីក្រោយពេលកំពុងបត់ឆ្លងផ្លូវ បណ្តាលឱ្យខាងម៉ូតូស្លាប់មួយរំពេច។
ហេតុការណ៍នេះនៅលើមហាវិថីឈ្នះ ឈ្នះ ស្ថិតក្នុងភូមិត្រពាំងធ្នង់ សង្កាត់សំរោងក្រោម ខណ្ឌពោធិ៍សែនជ័យ កាលពីល្ងាចថ្ងៃទី៣១ ខែតុលា។ មន្ត្រីនគរបាលបានឱ្យដឹងថា ជនរងគ្រោះឈ្មោះ វណ្ណទី អាយុ២១ឆ្នាំ ទីកំណើតនៅឃុំភ្នំតូច ស្រុកឧដុង្គ ខេត្តកំពង់ស្ពឺ។
មុនកើតហេតុ មានរថយន្តធំធ្វើដំណើរតាមមហាវិថីឈ្នះ ឈ្នះ ពីត្បូងទៅជើង។មកដល់កន្លែងខាងលើស្រាប់តែបត់ត្រឡប់ក្រោយ។ពេលនោះមានបុរសម្នាក់ ជិះម៉ូតូហុងដាផ្លាកលេខកំពត1H 7714 បើកមកយ៉ាងលឿន ក៏ជ្រុលបុករថយន្តពីក្រោយ ពេញទំហឹងបណ្តាលឱ្យស្លាប់ភ្លាមតែម្តង។រីឯរថយន្តក៏បើកទៅមុខគេចខ្លួនបាត់៕ដោយ៖វិចិត្រ
