ភ្នំពេញ៖បុរសម្នាក់ឡើងផ្ទះគេជាន់ទី១ ប៉ងលួចទ្រព្យសម្បត្តិ តែម្ចាស់បានមកទាន់ ក៏លោតចុះ ក្រោម បណ្តាលឲ្យគ្រេចកជើងរត់លែងរួច ត្រូវពលរដ្ឋនាំគ្នាជួយចាប់ឱ្យ សមត្ថកិច្ច។
![](https://cambodiaflashnews.com/wp-content/uploads/2021/06/top-banner.gif)
ករណីនេះកើតឡើងនៅជិតផ្សារឯករាជ្យ២ ភូមិព្រៃព្រីងជើង២ សង្កាត់ចោមចៅទី៣ ខណ្ឌពោធិ៍សែនជ័យ កាលពីរសៀលថ្ងៃទី៣១ ខែតុលា។នគរបាលប៉ុស្តិ៍បានឱ្យដឹងថា ជនសង្ស័យឈ្មោះណាក់ ណុយ អាយុ១៨ឆ្នាំ ស្នាក់ភូមិ សង្កាត់ខាងលើ មានទីកំណើតនៅ ឃុំស្រែវាល ស្រុកចម្ការលើ ខេត្តកំពង់ចាម។
មុនកើតហេតុ ម្ចាស់ផ្ទះរវល់នៅខាងក្រោម ស្រាប់តែជនសង្ស័យបានលួចឡើងទៅខាងលើ ជាន់ទី១លួចសម្ភារ។ពេលចោរកំពុងធ្វើសកម្មភាព ម្ចាស់ផ្ទះបានទៅទាន់ ហើយជនសង្ស័យ ភ័យក៏លោតចុះដីបណ្តាលឱ្យគ្រេចកជើងរត់មិនរួច ប្រជាពលរដ្ឋនាំគ្នាចាប់យកឱ្យនគរបាល ប៉ុស្តិ៍តែម្តង។
បន្ទាប់មកសមត្ថកិច្ចនាំជនសង្ស័យយកទៅប៉ុស្តិ៍ចោមចៅទី៣ ដើម្បីកសាងសំណុំរឿង បញ្ជូនបន្តតាមនីតិវិធី៕ដោយ៖វិចិត្រ