គិតចាប់តាំងពីមានរឿងរ៉ាវ ដែលរូបគេបានបដិសេធ ក្នុងការប្ដូរចូល ហើយដើរចេញពីកីឡដ្ឋានកាលពីសប្តាហ៍មុន ខ្សែប្រយុទ្ធ Cristiano Ronaldo នៅថ្ងៃត្រឡប់មកចូលលេងជាលើកដំបូងឱ្យក្រុមបិសាចក្រហម Manchester United វិញ បានស៊ុតបញ្ចូលទី ១គ្រាប់ ក្នុងជ័យជម្នះ ៣-០ លើក្រុម Sheriff Tiraspol ក្នុងការប្រកួតនៅក្របខ័ណ្ឌ Europa League កាលពីយប់ថ្ងៃព្រហស្បតិ៍។
![](https://cambodiaflashnews.com/wp-content/uploads/2021/06/top-banner.gif)
ជ័យជម្នះ ដែលមានចំណែកគ្រាប់បាល់ពីកីឡាករ Diogo Dalot និង Marcus Rashford ព្រមទាំងគ្រាប់បន្ថែមពីលើដោយកីឡាករ Ronaldo បានធានាឱ្យក្រុមបិសាចក្រហមនូវកៅអីមួយនៅជុំបន្ទាប់ ដោយពួកគេនឹងចូលរួមជាមួយក្រុមអ្នកមានបុណ្យ Barcelona ដែលបានធ្លាក់ចេញពីក្របខ័ណ្ឌ Champions League ត្រឹមវគ្គសន្សំពិន្ទុតាមពូល នៅ ២៤ម៉ោងមុននេះ។
អ្នកចាត់ការរបស់ក្រុម Man United លោក Erik ten Hag បានដកឈ្មោះកីឡាករ Ronaldo ចេញពីក្រុម សម្រាប់ការប្រកួតដែលមានលទ្ធផលស្មើ កាលពីថ្ងៃសៅរ៍ នៅឯផ្ទះរបស់ក្រុមតោខៀវ Chelsea ហើយខ្សែប្រយុទ្ធអន្តរជាតិព័រទុយហ្គាល់ ទើបត្រូវបានអនុញ្ញាតឱ្យត្រឡប់ទៅហ្វឹកហាត់ជាមួយក្រុមធំ ក្នុងសប្តាហ៍នេះប៉ុណ្ណោះ។
Ronaldo បានចាប់ផ្តើមជាកីឡាករជម្រើសដំបូងជាមួយខ្សែបម្រើស្លាបសញ្ជាតិអាហ្សង់ទីន Alejandro Garnacho វ័យ ១៨ឆ្នាំ ដែលកំពុងធ្វើការបង្ហាញខ្លួនលើកដំបូងជាមួយក្រុមធំ។
ខ្សែការពារស្តាំ Dalot បានតែតបញ្ចូលទីឱ្យក្រុមម្ចាស់ផ្ទះនាំមុខ នៅ ១នាទីមុនចាប់វគ្គទី ហើយកីឡាករ Rashford បន្ថែមការនាំមុខទ្វេដង នៅនាទីទី៦៥ មុនពេល Ronaldo ជួយធានា ៣ពិន្ទុ ឱ្យក្រុមបិសាចក្រហម នៅនាទីទី៨១ ដោយការទម្លុះសំណាញ់ទីនូវគ្រាប់បាល់ទី ៧០១ សម្រាប់ក្លិបអាជីព៕