ភ្នំពេញ៖ពិព័រណ៏វិស័យម្ហូបអាហារ សណ្ឋាគារនិង បដិសណ្ឋារកិច្ច CAMFOOD EXPO នឹងប្រារព្ធធ្វើឡើងនៅ ថ្ងៃទី ១៦-១៨ ខែ វិច្ឆិកា ឆ្នាំ ២០២២ នៅរាជធានីភ្នំពេញ។នេះជាជាព្រឹត្តិការណ៍ដ៏សំខាន់ក្នុងការបង្ហាញ ពីការងើបស្ទុះឡើងវិញ នៃវិស័យទេសចរណ៍នៅកម្ពុជា។
លោកDARREN អ្នកគ្រប់គ្រងនិងរៀបចំពិព័រណ៏ CAMFOOD បានមានប្រសាសន៍នៅក្នុងសន្និសីទសារពត៌មានកាលពីរសៀលថ្ងៃទី២៧ខែតុលាថា៖ពិព័រណ៏ខ្នាតអន្តរជាតិសម្រាប់វិស័យឧស្សាហកម្ម ម្ហូបអាហារ សណ្ធាគារ និង បដិសណ្ធារកិច្ច នេះជាព្រិត្តិការណ៍ដែរត្រូវបានប្រារព្ធធ្វើឡើង តាំងពីឆ្នាំ ២០០៩ មកម្លះ ។ ការត្រលប់មកវិញលើកទី០៧ ក្នុងឆ្នាំ ២០២២ នេះ យើងទទួលបានការចូលរួមពីសំណាក់ក្រុមហ៊ុនផ្គត់ផ្គង់ទាំងក្នុងស្រុក និង អន្តរជាតិ ជាង ១៥០ក្រុមហ៊ុនជាមួយការបង្ហាញផលិតផលជាង ៥០០ប្រេនហើយត្រូវបានគេរំពឹងថានឹងមានភ្ងៀវចូលរួមទស្សនាជាង ១០០០០នាក់។
ពិព័រណ៏ CAMFOOD ទទូលបានការគាំទ្រ ពីសំណាក់ សហព័ន្ធទេសចរណ៏កម្ពុជា(CTF), សមាគមអូតែលកម្ពុជា ( CHA), វិទ្យាស្ថានម្ហូបអារហារកម្ពុជា ( ACAC)និងក្រុមហ៊ុនGBSដែលបានរួមគ្នាសហការ រៀបចំកម្មវិធី ការធ្វើបទបង្ហាញនិងចែករំលែកចំណេះដឹងជំនាញ លើវិស័យ ចំអិនម្ហូប ការឆុងកាហ្វេរ និងជំនាញពាក់ព័ន្ធជាច្រើនទៀតផងដែរ។
ព្រិត្តិការណ៍នេះ នឹងត្រូវសម្ពោធបើកបង្ហាញជាផ្លូវការពីសំណាក់ ឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍ដែលប្រព្រឹត្តទៅនៅថ្ងៃទី ១៦ ខែ វិច្ឆិកា ឆ្នាំ ២០២២ នៅសហសាលពិព័រណ៏ និងសន្និបាត កោះពេជ្រ រាជធានីភ្នំពេញ។
លោកDARREN អ្នកគ្រប់គ្រងនិងរៀបចំពិព័រណ៍CAMFOOD លោកបានបន្តទៀតថាបន្ទាប់ពីការធ្លាក់ចុះរយ:ពេលពីរឆ្នាំនៃឧស្សាហកម្មផ្នែកទេសចរណ៍ យើងជឿជាក់ថា ពិព័រណ៏CAMFOOD ដែលរៀបចំឡើងនៅក្នុងឆ្នាំនេះ ជាឱកាសក្នុងជួបជុំអ្នកជំនាញក្នុងវិស័យនេះ ដើម្បីចែករំលែក នូវបទពិសោធន៏និងបង្កើតភាពជាដៃគូរអាជីវកម្មសារជាថ្មីឡើងវិញ” ។ យើងវត្តមាននៃអ្នកផ្គត់ផ្គង់ មកពីបណ្តាលប្រទេសជាង ៨០ ប្រទេសដែរចូលមកទីផ្សារកម្ពុជាជាលើកដំបូង ដើម្បីស្វែងរក ដៃគូរសហការ ដែលសម្រួលក្នុងការស្វែងរកប្រភពផ្គត់ផ្គង់សម្រាប់ដៃគូរ ចែកចាយ នៅក្នុងស្រុក។
អ្នកឧបត្ថម្ភធំនៃព្រឹត្តិការណ៏នេះរួមមានក្រុមហ៊ុន : LSH , ក្រុមហ៊ុនផ្គត់ផ្គង់ម៉ាស៊ីន សម្ភារៈ និងគ្រឿងផ្សំកាហ្វេ (GBS) , CAMKO BROTHERS , LOKA F&B , HANUMAN, 1664 BLANC, SO WAT COFFEE , CAFFA Phnom Penh, T.O GROUP, IQ DISTRINUTOR, ពិព័រណ៍នេះនិងបើកទទួលស្វារគមន៍សម្រាប់អ្នកដែលស្ថិតនៅក្នុងវិស័យបដិសណ្ឋារកិច្ច ភោជនីយដ្ឋាន ឧស្សាហកម្ម ម្ហូបអាហារ សណ្ឋាគារ ផ្សារទំនើប អ្នកចែកចាយ លក់ដុំ និងលក់រាយគ្រប់ប្រភេទ។
ពិព័រណ៏នេះនឹងរៀបចំបើកនៅថ្ងៃទី ១៦-១៨ ខែ វិឆ្ឆិកា ឆ្នាំ២០២២ វេលាម៉ោង ១០:០០ព្រឹក ដល់ ម៉ោង ៦:០០ល្ងាច នៅសហសាលពីព័រណ៏និងសន្និបាត កោះពេជ្រ រាជធានីភ្នំពេញ ។ សម្រាប់ព័ត៍មានបន្ថែម សូមទំនាក់ទំនងអ្នករៀបចំតាមរយះលេខ: 087 786 007/ 011 238 575/ 096 254 9096៕ដោយៈសិរីមតី
