ភ្នំពេញ៖ដើម្បីជំរុញដំណើរការអនុវត្តគម្រោងហេដ្ឋារចនាសម្ព័ន្ធផ្លូវល្បឿនលឿន តភ្ជាប់ពីរាជធានីភ្នំពេញទៅក្រុងបាវិត កាលពីថ្ងៃទី២៤ ខែតុលា ឆ្នាំ២០២២ ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន និងជា ប្រធានគណៈកម្មការអន្តរក្រសួង បានអញ្ជើញដឹកនាំគណៈកម្មការប្រជុំពិភាក្សាការងារ ជាមួយក្រុមហ៊ុនសាជីវកម្មស្ពាន និងថ្នល់ចិន(CRBC)។
យោងតាមក្រសួងសាធារណការនិងដឹកជញ្ជូន បានឱ្យដឹងថា៖អង្គប្រជុំបានពិនិត្យ និងពិភាក្សាលើកិច្ចព្រមព្រៀងក្របខណ្ឌ និងកំពុងពិនិត្យជំរុញការចរចាកិច្ចសន្យាភាពជាដៃគូរវាងរដ្ឋ និងឯកជន សម្រាប់គម្រោងផ្លូវល្បឿនលឿនភ្នំពេញ-ក្រុងបាវិតឱ្យបានចប់ក្នុងពេលឆាប់ៗខាងមុខនេះដើម្បីឈាទៅបើកការដ្ឋានវសាងសង់ហេដ្ឋារចនាសម្ព័ន្ផ្លូវល្បឿនលឿនតភ្ជាប់ពីរាជធានីភ្នំពេញទៅក្រុងបាវិត។
គួរបញ្ជាក់ថា៖ផ្លូវល្បឿនលឿនភ្នំពេញ-បាវិតគឺជាគម្រោងមួយក្នុងចំណោមគម្រោងហេដ្ឋារចនាសម្ព័ន្ធជាច្រើនទៀតដែលរួមមានផ្លូវល្បឿនលឿនភ្នំពេញ-ព្រះសីហនុនិងគម្រោងសាងសង់ផ្លូវក្រវ៉ាត់ក្រុងទី៣ និងទី ៤ ។ផ្លូវល្បឿនលឿនភ្នំពេញ-បាវិត នឹងក្លាយជាផ្លូវល្បឿនលឿន ទី២នៅកម្ពុជាបន្ទាប់ពីការស្ថាបនាផ្លូវល្បឿនលឿនភ្នំពេញ-ព្រះសីហនុ៕ដោយៈសិរីមតី
