ភ្នំពេញ៖ទំហំពាណិជ្ជកម្មកម្ពុជា គិតត្រឹមដំណាច់ខែកញ្ញា ឆ្នាំ២០២២នេះ សម្រេចបានចំនួន ប្រមាណ ៤១.០២៣ លានដុល្លារអាម៉េរិក កើនឡើងប្រមាណ ១៨ ភាគរយ បើប្រៀបធៀប រយៈពេលដូចគ្នា ទៅនឹងឆ្នាំ២០២១ កន្លងទៅ។នេះបើយោងតាមរបាយការណ៍របស់ក្រសួងពាណិជ្ជកម្ម។
ការសម្រេចបាននូវ ទំហំពាណិជ្ជកម្មនេះ ក្នុងនោះ ការនាំចេញមានចំនួន ១៧.២៥៨ លានដុល្លារអាម៉េរិក កើនឡើង ២២ ភាគរយ និងការនាំចូល ២៣.៧៦៤ លានដុល្លារអាម៉េរិក កើនឡើង ១៥ ភាគរយ។
ប្រភពដដែល បានឲ្យដឹងទៀតថាៈ មុខទំនិញសំខាន់ៗ ក្នុងការនាំចេញ រួមមានៈ សម្លៀកបំពាក់ ៧.១៧៥ លានដុល្លារអាម៉េរិក កើនឡើង ២៣ ភាគរយ, សម្ភារៈធ្វើដំណើរនិងកាបូប ១.៤១០ លានដុល្លារអាម៉េរិក កើនឡើង៣៥ ភាគរយ,ស្បែកជើង១.៣២៥ លានដុល្លារអាម៉េ រិក កើនឡើង ៣៣ ភាគរយ, ម៉ាស៊ីនបរិធាននិងសម្ភារៈអគ្គិសនី ១.២៨០លានដុល្លារអាម៉េរិក កើនឡើង ៦៩ ភាគរយ, គ្រឿងសង្ហារឹមនិងបរិធានបំភ្លឺ៨២៧លានដុល្លារអាម៉េរិកកើនឡើង១៥ភាគរយនិងកង់៧០០លានដុល្លារអាម៉េរិកកើនឡើង៤៨ភាគរយ ។ល។ដោយៈសិរីមតី
