៣ឆ្នាំចុងក្រោយក្រុមហ៊ុនជីហ្គៀ គ្រុបបានចូលរួមចំណែកបង់ពន្ធនាំចូល ដល់រដ្ឋាភិបាលជាង ១០លានដុល្លារ

ភ្នំពេញ៖ ក្នុងរយៈពេល៣ឆ្នាំចុងក្រោយនេះ ក្រុមហ៊ុនជីហ្គៀ គ្រុប បានចូលរួមចំណែកបង់ពន្ធនាំចូល ដល់រដ្ឋាភិបាលជាង ១០លានដុល្លារអាម៉េរិក។នេះជាការឱ្យដឹងរបស់លោកឧកញ៉ា សុខ ពិសិដ្ឋ នាយកប្រតិបត្តិ នៃក្រុមហ៊ុន ជីហ្គៀ គ្រុប នៅក្នុងកម្មវិធី VIP Gala Dinner កាលពីល្ងាចថ្ងៃទី២០ ខែតុលា នៅសណ្ឋាគារសុខា រាជធានីភ្នំពេញ។

លោកឧកញ៉ា សុខ ពិសិដ្ឋ បានបន្តថា៖លោកសង្ឃឹមថា«ថ្ងៃណាមួយក្រុមហ៊ុនទាំងអស់ដែលនាំចូលផលិតផលមិនស្របច្បាប់ នឹងរងពិន័យយ៉ាងធ្ងន់ធ្ងរពីអគ្គនាយដ្ឋានពន្ធដារ និងពន្ធគយ ដើម្បីជំរុញឱ្យ ក្រុមហ៊ុនក្នុងស្រុកទទួលបានការប្រកួតប្រជែងស្មើភាពគ្នា និងយុត្តិធម៌ដល់ក្រុមហ៊ុន ដែលបានប្រឹងប្រែងបង់ពន្ធ ប្រឹងប្រែងបង្កើតការងារឱ្យយុវជន ប្រឹងប្រែងផ្តល់ឱកាស និងគាំទ្រដល់ដៃគូអាជីវម្ម ដើម្បីធានាបាន ថាបងប្អូនយើង ទាំងអស់គ្នា ឈរជើងយ៉ាងត្រឹមត្រូវនៅលើ ទីផ្សារអេឡិចត្រូនិចមួយនេះ»។

លោកនាយកប្រតិបត្តិ នៃក្រុមហ៊ុន ជីហ្គៀ គ្រុប មានប្រសាសន៍ទៀតថា៖ «ក្រុមហ៊ុនជីហ្គៀគ្រុបបានចាប់ផ្តើមពីមនុស្ស ២ទៅ ៣នាក់ រហូតដល់ពេលបច្ចុប្បន្ននេះ មានបុគ្គលិកជិត ១០០០នាក់ ហើយជីហ្គៀ គ្រុប តែងតែរីកចំរើនពីមួយថ្ងៃទៅមួយថ្ងៃ ដូច្នេះបងប្អូន អាចមានភាពកក់ក្តៅ ព្រោះបុគ្គលិកជិត១០០០នាក់នេះតែងតែនៅពីក្រោយដៃគូអាជីវកម្មចាំជួយគាំទ្រ និងផ្តល់ជំនួយ រាល់ការផ្តល់សេវាកម្មរបស់ដៃគូអាជីវកម្មជានិច្ច»។

ឧកញ៉ា សុខ ពិសិដ្ឋ បញ្ជាក់បន្ថែមទៀតថា ក្រុមហ៊ុនជីហ្គៀគ្រុបជាក្រុមហ៊ុនចែកចាយគ្រឿងអេឡិចត្រូនិច តែមួយគត់នៅក្នុងប្រទេសកម្ពុជាដែលបានរួមចំណែកនៅក្នុងកិច្ចការសង្គម បំពេញកាតព្វកិច្ចច្បាប់ ត្រឹមត្រូវ។ លោកថាថ្មីៗនេះជីហ្គៀគ្រុបបានទទួលវិញ្ញាបនបត្របញ្ជាក់ធុរជនល្អបំផុតពី អគ្គនាយកដ្ឋាន គយ និងរដ្ឋាករកម្ពុជា និងទទួលបានវិញ្ញាបនបត្រមាស ពីអគ្គនាយកដ្ឋានពន្ធដារផងដែរ។ សមិទ្ធផល ទាំងអស់នេះជាកំណែទម្រង់ដ៏ធំ នៅក្នុងវិស័យ អេឡិត្រូនិចហើយក៏ជាសមិទ្ធផលរបស់ ក្រុមហ៊ុន ជីហ្គៀ គ្រុបដែលបានខិតខំប្រឹងប្រែង រយៈពេលជាង១០ឆ្នាំមកនេះ។ លោកបន្តថា«នេះជាកត្តា ធ្វើឱ្យក្រុមហ៊ុន ជីហ្គៀ គ្រុប អាចឈរនៅលើទីផ្សារ បានរហូតដល់សព្វថ្ងៃ និងមិនដែលប្តូរឈ្មោះក្រុមហ៊ុនដូចក្រុមហ៊ុនតំណាងចែកចាយម៉ាកដទៃទៀតដែលជា ដៃគូប្រគួតប្រជែងរបស់យើងឡើយ ដែលពួកគាត់ តែងតែប្តូរឈ្មោះជារើយៗ ដើម្បីបំភាន់ភ្នែកមន្ត្រីប្រមូលពន្ធ ក្នុងគោលបំណងគេចវេះ ពីកាតព្វកិច្ច បង់ពន្ធ»។

លោកឧកញ៉ា បានបញ្ជាក់ថា៖នៅក្នុងកម្មវិធីនេះក៏បានប្រគល់ពានរង្វាន់ដល់ដៃគូអាជីវកម្មឆ្នើម ចំនួន ១៥ ហាង ដែលបានជួយជំរុញ ឱ្យមានការទទួលស្គាល់ផលិតផល LG នៅលើទីផ្សារ និងបានវាយតម្លៃដោយផ្អែក ទៅលើគោលការណ៍ ៤ ចំណុចធំៗដូចជា ការលក់មានការកើនឡើងពីមួយឆ្នាំទៅមួយឆ្នាំ មិនមានការលក់ផលិតផលគេចពន្ធ និងផលិតផលមិនស្របច្បាប់ ការទូរទាត់ប្រាក់បានល្អ ជួយជំរុញការលក់និងការតាំងបង្ហាញផលិតផល LG បានល្អ។

សូមបញ្ជាក់ថា កាលពីល្ងាចថ្ងៃទី២០ខែតុលា ក្រុមហ៊ុន ជីហ្គៀ គ្រុប និងក្រុមហ៊ុនLG Electronics នាំចូលផលិតផល LG សេរីថ្មីចុងក្រោយឆ្នាំ ២០២២ និង២០២៣និងបានដាក់បង្ហាញក្នុងព្រឹត្តិការណ៍ដ៏អស្ចារ្យមួយដែលមានការចូលរួមទស្សនាពីដៃគូអាជីវម្មនិងតំណាងចែកចាយជាង៦០០នាក់។ព្រឹត្តការណ៍នេះមានឈ្មោះថា VIP Gala Dinner ដែលរៀបចំឡើងដោយក្រុមហ៊ុន ជីហ្គៀ គ្រុប និងក្រុមហ៊ុនLG Electronicsដើម្បីផ្តល់បទពិសោធន៍ថ្មីៗដល់ដៃគូអាជីវកម្មដែលជាតំណាងចែកចាយជាមួយនឹងបច្ចេកវិទ្យាទំនើបៗដែលបានបំពាក់លើផលិតផល LG ដែលទើបនឹងនាំយកមកកាន់ទីផ្សារ កម្ពុជា។ កម្មវិធីនេះធ្វើឡើងស្របពេលដែលក្រុមហ៊ុន LG Electronics កំពុងធ្វើយុទ្ធនាការ Healthy Home Solution ដើម្បីលើកទឹកចិត្តអ្នកប្រើប្រាស់របស់ផលិតផលLGទូទាំងពិភពលោកឱ្យបោះជំហាឆ្ពោះទៅរករបៀបរស់នៅប្រកបដោយផាសុកភាពល្អជាងមុនតាមរយៈការប្រើប្រាស់ផលិតផលLG។ យុទ្ធនាការ Healthy Home Solutionsថ្មីឆ្នាំ២០២២បានផ្តោតលើការបង្កើតបរិយាកាសក្នុងផ្ទះប្រកបដោយ «សុខុមាលភាព» ជាមួយផលិតផលចុងក្រោយរបស់ LG ចាប់តាំងពីការថែទាំសម្លៀកបំពាក់តាមបែបទំនើប ឧបករណ៍ផ្ទះបាយរហូតដល់ដំណោះស្រាយនៃការបន្សុទ្ធខ្យល់បរិយាការក្នុងផ្ទះកម្រិតខ្ពស់។

ដើម្បីជំរុញឱ្យការរស់នៅប្រកបដោយផាសុកភាពដូចអតិថិជនរបស់LG ទូរទាំងពិភពលោកដែរនោះ ក្រុមហ៊ុន ជីហ្គៀ គ្រុប បាននាំចូលគ្រឿងអេឡិចត្រូនិចម៉ាកLGដែលមាបំពាក់បច្ចេកវិទ្យា និងផ្តល់ ដំណោះស្រាយសុខភាពដល់អ្នកប្រើប្រាស់ដូចជា៖ ម៉ាស៊ីនត្រជាក់ ទូរទឹកកក LG instaView Door-in-Door™ ទូរទស្សន៍ LG OLED Evo ស៊េរីចុងក្រោយ ម៉ាស៊ីនបោកគក់ ម៉ាស៊ីនចំហុយសម្លៀកបំពាក់LG Styler ម៉ាស៊ីនបន្សុទ្ធខ្យល់ LG Air purifier ម៉ាស៊ីនបន្សុទ្ធសំណើម និងគ្រឿងអេឡិចត្រូនិច ជាច្រើនប្រភេទទៀត ដូចជា៖
1. ម៉ាស៊ីនត្រជាក់ LG ភ្ជាប់ជាមួយបច្ចេកវិទ្យា UV Nano អាចកម្ចាត់មេរោគ បាក់តេរីមានប្រសិទ្ធភាពបានរហូតដល់ 99.99% ។
2. ទូរទឹកកក LG instaView Door-in-Door™ ជាទូទឹកកក ម៉ូឌែលថ្មី មានមុខងារសម្លាប់មេរោគនៅក្នុងទឹករហូតដល់ 99.99% ដោយបច្ចេកវិទ្យា UV Nano ដែលជាបច្ចេកវិទ្យាចុងក្រោយគេបំផុតរបស់ក្រុមហ៊ុន LG Electronics។
3. ទូរទស្សន៍ LG OLED Evo ស៊េរីចុងក្រោយត្រូវបានរចនាមុខងារឆ្លាតវៃថ្មីមាន 4 ចំណុចធំៗ LG home cinema systems, Game Optimizer, Sport Alert, Smart Home Dashboard។
4. ម៉ាស៊ីនបោកគក់ LG មិនត្រឹមតែធ្វើអោយសម្លៀកបំពាក់របស់អ្នកស្អាតឥតខ្ចោះប៉ុណ្ណោះទេ ប៉ុន្តែវាបានការពារសាច់ក្រណាត់សម្លៀលបំពាក់មិនអោយខូច សន្សំសំចៃភ្លើង និង ពេលវេលា។
5. LG Dual Inverter Dehumidifier ម៉ាស៊ីននេះមានមុខងារបន្សុទ្ធសំណើមនៅក្នុងផ្ទះដ៏ឆ្លាតវៃ ជួយការពារ សម្ភារៈនានាមិនឱ្យពុកផុយ និងការពារមិនឱ្យមានបាក់តេរីដែលជាកត្តាបង្កឱ្យកើតមានបញ្ហាអាឡែស៊ី ដោយសារសំណើម និងរក្សាបរិស្ថានក្នុងផ្ទះឱ្យស្អាត និងស្ងួត មិនបង្កឱ្យដុះផ្សិត និងធុមក្លិនផ្តុសនៅលើសម្លៀកបំពាក់ នៅពេលដែលអាកាសធាតុសើមខ្លាំង។
6. ម៉ាស៊ីនបន្សុទ្ធខ្យល់ LG Air purifier មានសមត្ថភាពចាប់យកលំអងធូលីដី បាក់តេរីតូចៗដែលមាននៅក្នុងផ្ទះ ឬបន្ទប់ និងអាចស្រូបយកមេរោគទាំងអស់នេះបានរហូតដល់ 360°។
7. ម៉ាស៊ីនចំហុយសម្លៀកបំពាក់ LG Styler វាមានតួនាទីថែរក្សាសាច់ក្រណាត់ដ៏មានតម្លៃ កាត់បន្ថយស្នាមជ្រាវជ្រួញសម្លៀកបំពាក់ របស់អ្នកប្រកបដោយប្រសិទ្ធភាពដែលមិនធ្លាប់មាននៅលើម៉ាស៊ីនបោកគក់ឬ ម៉ាស៊ីនសម្ងួតពីមុនមក។
8. គ្រប់ផលិតផលរបស់LG ទាំងអស់សុទ្ធតែអាចបញ្ជា និងគ្រប់គ្រងតាមរយៈទូរស័ព្ទដៃបានដោយប្រើ កម្មវិធីLG ThinQ។

លោក Seung Ho Lee អគ្គនាយកក្រុមហ៊ុន LG Electronics ប្រចាំនៅកម្ពុជាមានប្រសាសន៍នៅក្នុងព្រឹត្តកាណ៍ LG VIP Gala Dinner នេះថា«ក្រុមហ៊ុន LG Electronics មានមោទនភាពដែលយើងវត្តមានជាយូរមកហើយនៅក្នុងប្រទេសកម្ពុជាចាប់តាំងពីយើងបានបង្កើតសកម្មភាពលក់ និងទីផ្សារក្នុងឆ្នាំ២០០៧មក ។ ឥឡូវនេះយើងបានពង្រីកអាជីវកម្មរបស់យើងទូទាំងប្រទេសដោយការវិនិយោគជាមួយ LG Brandshop របស់យើង ដែលបានគ្របដណ្តប់ជាង១៣ ខេត្តក្រុង ដែលរួមមានហាងរហូតដល់ទៅ ១៨ហាង។ យើងក៏មានបណ្តាញចែកចាយ និងបងប្អូនលក់ដុំនៅតាមទីផ្សារជាង២០០ហាងផងដែរ»។

លោកបានពន្យល់បន្ថែមអំពី ទូរទស្សន៌ LG OLED ថាជាទូរទស្សន៍ដំបូងបង្អស់ដែលបង្ហាញរូបភាពនៅលើកញ្ចក់ និងបំពាក់ដោយបច្ចេកវិទ្យា AIដែលអ្នកអាចនិយាយជាមួយទូរទស្សន៍បាន ដើម្បីគ្រប់គ្រង និងអាចបញ្ជាអ្វីដែលអ្នកចង់បាន វាក៏អនុញ្ញាតឱ្យអ្នកគ្រប់គ្រងឧបករណ៍អេឡិចត្រូនិករបស់អ្នកផ្សេងៗទៀត នៅក្នុងផ្ទះនៅលើផ្ទាំង Dashboard ដែលមាននៅលើទូរទស្សន៍របស់អ្នក ដូចជា៖ កំណត់ម៉ោងបោកគក់នៅលើម៉ាសីនបោក, បើកឬបិទម៉ាស៊ីនត្រជាក់, គ្រប់គ្រងសីតុណ្ហភាពនៅលើទូរទឹកកក, ចំណែកផលិតផល PuriCare អ្នកអាចពិនិត្យមើលគុណភាពខ្យល់នៅក្នុងផ្ទះរបស់អ្នកជាដើម ។

កម្មវិធី VIP night Gala Dinner 2022 គឺជាកម្មវិធីជួបជុំសំណេះសំណាលរវាងដៃគូអាជីវកម្ម នៃក្រុមហ៊ុន ជីហ្គៀគ្រុប និងក្រុមហ៊ុន LG ELectronicsដើម្បីផ្តល់នូវបពិសោធន៍ទាក់ទងនឹងបច្ចេកវិទ្យាថ្មីរបស់LG ការពង្រឹងសាមគ្គីភាពជាដៃគូអាជីវកម្ម ចែករំលែកផែនការយុទ្ធសាស្ត្រថ្មី និងជំរុញឱ្យមានការចែកចាយ ផលិតផលដោយស្របច្បាប់ និងមាន គុណភាពខ្ពស់ដល់អតិថិជន។អតិថិជនទាំងអស់អាចមកទទួលយកបទពិសោធន៍ថ្មីៗជាមួយផលិតផលLG នៅតាមហាងទំនើប LG BrandShopគ្រប់សាខាទាំអស់ទូទាំងប្រទេស។ លំអិត៖https://www.ggear.com.kh/lg-brandshop/៕ដោយៈសិរីមតី