រតនគិរី៖ផ្ទាំងប៉ាណូផ្សព្វផ្សាយធំៗក្រុមហ៊ុនស្រាបៀរគ្រុឌ ត្រូវបានអាជ្ញាធរខេត្តរតនគិរីចុះរុះរើចេញតាមដងផ្លូវសាធារណៈ ដោយយោងហេតុផលថាមិនបានសុំការអនុញ្ញាតត្រឹមត្រូវ។
![](https://cambodiaflashnews.com/wp-content/uploads/2021/06/top-banner.gif)
មន្ត្រីចុះអនុវត្តបានឱ្យដឹងថា កាលពីថ្ងៃទី២០ ខែតុលា ក្រុមការងាររដ្ឋបាលខេត្តដឹកនាំដោយលោកកុល ផាន់ណា ទីប្រឹក្សាក្រសួងព័ត៌មាន និងជាប្រធានមន្ទីរព័ត៌មានខេត្ត ជាមួយអាជ្ញាធរក្រុងបានលុង បានចុះរុះរើប៉ាណូផ្សព្វផ្សាយពាណិជ្ជកម្ម ដែលមិនមានច្បាប់អនុញ្ញាត ឬអស់សុពលភាពក្នុងក្រុងបានលុង។ជាមួយនោះមានផ្ទាំងផ្សព្វផ្សាយស្រាបៀរគ្រុឌផងដែរ។
លោក កុល ផាន់ណា បានប្រាប់អ្នកសារព័ត៌មានថា ការចុះរុះរើផ្លាកសញ្ញាផ្សព្វផ្សាយពាណិជ្ជកម្ម អាហ្វីស ប៉ាណូ ដែលមិនបានចុះបញ្ចីសុំសិទ្ធិផ្សព្វផ្សាយនៅអង្គភាពច្រកចេញចូលតែមួយរបស់រដ្ឋបាលខេត្ត។ពេលនេះគឺអនុវត្តតាម ស.ជ.ណ របស់រដ្ឋបាលខេត្តឱ្យចុះពិនិត្យ និងរុះរើផ្លាកសញ្ញាផ្សព្វផ្សាយពាណិជ្ជកម្មតាមរយៈអាហ្វីស ប៉ាណូនានា ដែលមិនមានច្បាប់អនុញ្ញាតត្រឹមត្រូវក្នុងភូមិសាស្រ្តខេត្តរតនគិរី។
លោកបញ្ជាក់បន្ថែមថា ដូច្នេះបើសិនជាក្រុមហ៊ុន ឬអាជីវករនានាដំឡើងនិងផ្សព្វផ្សាយ ពាណិជ្ជកម្មតាមរយៈផ្លាកយីហោ អាហ្វីសប៉ាណូគ្មានច្បាប់ទម្លាប់ត្រឹមត្រូវ វានឹងធ្វើឱ្យបាត់បង់ចំណូលរដ្ឋ៕ដោយ:សុខុម