ភ្នំពេញ ៖យោងតាមសេចក្ដីប្រកាសព័ត៌មានរួមរបស់ ក្រសួងវប្បធម៌ និង វិចិត្រសិល្បៈ និងស្ថានទូតជប៉ុន ប្រចាំកម្ពុជា នាថ្ងៃទី១៩ តុលា បានឱ្យដឹងថា «រដ្ឋាភិបាលជប៉ុនបានសម្រេចចិត្ត ផ្ដល់ជំនួយ លើគម្រោងគាំទ្រថ្មីមួយ ដែលមានទឹក ប្រាក់ចំនួន ៥២០,៨៤៧ដុល្លារអាមេ រិក សម្រាប់ការងារជួសជុលប្រាសាទបាយ័នក្នុងតំបន់រមណីយដ្ឋានប្រវត្តិសាស្ត្រអង្គរដែលគម្រោងមានឈ្មោះថាគម្រោងគាំទ្រការទិញ និងថែទាំយានយន្តនិងម៉ាស៊ីនធុនធ្ងន់ព្រមទាំងការទិញសម្ភារៈសម្រាប់ការងាររក្សាលំនឹងតួប៉មកណ្តាលនៃប្រាសាទបាយ័នដែលទាក់ ទងនឹងគម្រោង JASA»។
![](https://cambodiaflashnews.com/wp-content/uploads/2021/06/top-banner.gif)
សូមបញ្ជាក់ថា នៅឆ្នាំ១៩៩៤ រដ្ឋាភិបាលជប៉ុន បានបង្កើតក្រុមរដ្ឋាភិបាលជប៉ុន(JSA)សម្រាប់ការថែរក្សាការពារ ប្រាសាទអង្គរ។JSA ត្រូវ បានដឹកនាំដោយលោកបណ្ឌិត ណាកាហ្គាវ៉ា សាស្ត្រាចារ្យ កិត្តិយសនៃសាកលវិទ្យាល័យវាយិដាដែលជាគម្រោងមួយតាម រយៈអង្គ ការ យូណេស្កូJapan Funds in Trust សម្រាប់ការអភិរក្សវប្បធម៌បេតិកភណ្ឌពិភពលោក។JSAបានចំណាយថវិកាសរុបប្រមាណ ២៧លានដុល្លារអាមេរិក ចាប់ពីជំហានទី១ ដល់ជំហានទី៥ ដើម្បីអនុវត្តសកម្មភាពអភិរក្ស និងជួសជុលប្រាសាទអង្គរវត្ត និងប្រាសាទបាយ័ន ។
លើសពីនេះ ចាប់តាំងពីជំហានទី៣ ក្នុងឆ្នាំ២០០៥ JSA និង អាជ្ញាធរជាតិអប្សរា បាននិងកំពុងចូលរួមក្នុងគម្រោងរួមគ្នា ដែលហៅថា ជប៉ុន-អប្សរាការពារ ប្រាសាទអង្គរ(JASA)។ នៅខែមេសាឆ្នាំនេះ ជំហានទី៦ បានចាប់ផ្ដើមធ្វើការ ស្រាវជ្រាវ និងធ្វើការ លើការរក្សាលំនឹងតួប៉មកណ្ដាល នៃប្រាសាទបាយ័នជាចម្បង។
ក្រសួងវប្បធម៌ និងស្ថានទូតជប៉ុន ក៏បានសង្ឃឹមថា គម្រោងគាំទ្រថ្មីនេះ នឹងរួមចំណែកដល់ការ អនុវត្តការងារអភិរក្ស និងជួស ជុលប្រាសាទបាយ័ន ដែលជាប្រាសាទដ៏សំខាន់បំផុតមួយ នៅក្នុងរមណីយដ្ឋាន ប្រវត្តិសាស្ត្រអង្គរ ៕