ក្រុមម្ចាស់ជើងឯកចាស់ Real Madrid បានយកឈ្នះក្រុម Barcelona ក្នុងលទ្ធផល ៣-១ ក្នុងការប្រកួតនៃជំនួប El Clasico ដើម្បីឡើងទៅពីលើក្រុមគូប្រជែងស្លាប់រស់របស់ពួកគេ នៅទីកំពូលតារាងនៃក្របខ័ណ្ឌ La Liga កាលពីថ្ងៃអាទិត្យ។
![](https://cambodiaflashnews.com/wp-content/uploads/2021/06/top-banner.gif)
ខ្សែប្រយុទ្ធ Karim Benzema ជាអ្នកស៊ុតគ្រាប់បាល់បើកឆាក នៅនាទីទី១២ ហើយបន្ទាប់មកកីឡាករ Fede Valverde បន្ថែមការនាំមុខ ២-០ មុនចប់វគ្គទី ១។ កីឡាករ Ferran Torres ជួយឱ្យក្រុមអ្នកមានបុណ្យ Barca តាមត្រឹម ១គ្រាប់វិញ នៅប៉ុន្មាននាទីចុងក្រោយនៃហ្គេមនេះ ប៉ុន្តែ គ្រាប់បាល់ពីការទាត់ប៉េណាល់ទីរបស់កីឡាករ Rodrygo នៅនាទីទី៩០+១ បានធានាថា ក្រុមរបស់លោក Carlo Ancelotti បានភាពបរាជ័យក្នុងស្រុកលើកដំបូងឱ្យក្រុម Barca នារដូវកាលនេះ។
ក្រុម Madrid បានបញ្ចប់ការឈ្នះ ៧លើកបន្តបន្ទាប់របស់ក្រុមយក្សទៅពីតំបន់កាតាឡាន់ ក្នុងលីគ ហើយបានបន្ថែមការឈឺចាប់ដដែលទៀតដល់ការប្រឹងប្រែងតស៊ូរបស់ពួកគេ ក្នុងការប្រកួតនៅអឺរ៉ុប ដែលពួកគេកៀកនឹងការធ្លាក់ចេញពីក្របខ័ណ្ឌ Champions League។
ក្រុម Barca ដែលបានចំណាយប្រាក់យ៉ាងច្រើន ក្នុងការពង្រឹងក្រុម នារដូវក្តៅ ដើម្បីព្យាយាមតាមឱ្យទាន់គូប្រជែងរបស់ខ្លួន ឥឡូវនេះតាមពីក្រោយ ៣ពិន្ទុ។ ក្រុមរបស់លោក Xavi បានរបូតគ្រាប់បាល់តែ ១គ្រាប់ប៉ុណ្ណោះ ក្នុងចំណោមការប្រកួត នៅលីក ៨លើក នៅមុនជំនួប Clasico នេះ ប៉ុន្តែបានភ្លាត់របូត ២គ្រាប់ នៅវគ្គទី ១ ដែលជាការទុកផ្លូវឱ្យ Madrid ជាក្រុមមិនចាញ់សោះតែមួយគត់របស់លីគកំពូលអេស្ប៉ាញ៕