ភ្នំពេញ៖កម្ពស់ទឹកស្ទឹងព្រែកត្នោតបន្តកើនឡើង បង្កឱ្យមានការជន់លិចផ្ទះប្រជាពលរដ្ឋជាង១០០ខ្នងផ្ទះនៅជាប់នឹងសណ្ដស្ទឹង ក្នុងសង្កាត់ចំនួន៦ នៃខណ្ឌដង្កោ។
![](https://cambodiaflashnews.com/wp-content/uploads/2021/06/top-banner.gif)
មន្ត្រីអាជ្ញាធរខណ្ឌបានឱ្យដឹងនៅថ្ងៃទី១២ ខែតុលាឆ្នាំ២០២២នេះថា សង្កាត់ចំនួន៦ ដែលរងការលិចផ្ទះ និងផ្លូវគឺសង្កាត់គងនយ សង្កាត់ព្រៃវែង សង្កាត់សាក់សំពៅ សង្កាត់ស្ពានថ្មសង្កាត់ព្រៃសនិង សង្កាត់ជើងឯក។ក្នុងនោះពលរដ្ឋប្រមាណ ៣០គ្រួសារក្នុងសង្កាត់ព្រៃវែង បានជម្លៀសទៅទីទួល សុវត្ថិភាព និងកំពុងរស់នៅលើទំនប់ជាបណ្ដោះអាសន្ន។
គួរបញ្ជាក់ថា ស្ថានភាពកម្ពស់ទឹកស្ទឹងព្រែកត្នោតគិតត្រឹមព្រឹកថ្ងៃទី១២ ខែតុលា ឆ្នាំ២០២២នេះ នៅ“ស្ថានីយពាមឃ្លៃ”ទឹកមានកម្ពស់៦,៤៦ម៉ែត្រ កើនឡើង០,៤៦ម៉ែត្រធៀបម្សិលមិញ៦,០០ម៉ែត្រ ។រហូតដល់ពេលនេះស្ថានភាពទឹកស្ទឹងព្រែកត្នោតបានហូរក្នុងកម្រិតពេញស្ទឹងនិងហូរចូលដល់តាមជើងទំនប់សណ្ដទៀត៕ដោយ៖វិចិត្រ