ភ្នំពេញ៖ក្នុងរយៈពេល៩ខែ គិតចាប់ពីខែមករា រហូតដល់ខែកញ្ញា ឆ្នាំ២០២២ ក្រុមប្រឹក្សាអភិវឌ្ឍន៍កម្ពុជា ( CDC)បានអនុម័តគម្រោងវិនិយោគចំនួនប្រមាណ១៥០គម្រោង គិតជាទឹកប្រាក់ចំនួនប្រមាណ ៣ ៥០០លានដុល្លារអាម៉េរិក។
![](https://cambodiaflashnews.com/wp-content/uploads/2021/06/top-banner.gif)
ប្រភពដដែល បានឲ្យដឹងទៀតថា ប្រៀបធៀបរយៈពេលដូចគ្នាទៅនឹងឆ្នាំ២០២១កន្លងទៅ មានកំណើនចំនួន ១៦គម្រោង ស្មើទំហំវិនិយោគប្រមាណ ១០១លានដុល្លារ។ គម្រោងវិនិយោគចំនួន ១៥០គម្រោងនៅឆ្នាំនេះ ភាគច្រើនជាគម្រោងបង្កើតរោងចក្រកាត់ដេរសម្លៀកបំពាក់ ស្បែកជើង កាបូប សម្ភារធ្វើដំណើរ, គម្រោងបង្កើតរោងចក្រកែច្នៃវេចខ្ចប់ផ្លែឈើ, គម្រោងផលិតសំបក កង់យានយន្ត, រោងចក្រផលិតសម្ភារៈបរិក្ខារប្រើប្រាស់ខ្សែភ្លើង និងផលិតផលផ្លាស្ទិក, គម្រោងបង្កើតរោងចក្រដំឡើងរថយន្ដ និងគម្រោងលើវិស័យដទៃៗជាច្រើនទៀត។
សូមជម្រាបថា គិតត្រឹមរយៈពេល៩ខែ ឆ្នាំ២០២២ ការវិនិយោគក្នុងស្រុកបានឈរនៅលំដាប់លេខរៀងទី១ ដោយបានចូលរួមចំណែកប្រមាណ ៥១ភាគរយ នៃទុនវិនិយោគសរុប ខណៈការវិនិយោគមកពីប្រទេសចិន បានឈរនៅលំដាប់លេខរៀងទី២៕ដោយៈសិរីមតី