សម្រាប់វគ្គជម្រុះនៃការប្រកួតប្រជែងជើងឯកអឺរ៉ុប ឆ្នាំ២០២៤ (Euro 2024) នឹងមានភាពទាក់ទាញជាមិនខាន បន្ទាប់ពីក្រុមជម្រើសជាតិអ៊ីតាលី និងអង់គ្លេស ដែលបានប៉ះគ្នាក្នុងវគ្គផ្ដាច់ព្រ័ត្រ កាលពីឆ្នាំកន្លងទៅ ត្រូវមកស្ថិតក្នុងពូលតែមួយជាមួយគ្នា ខណៈដែលក្រុមខ្លាំងបារាំង និងហូឡង់ ក៏ត្រូវប្រឈមគ្នាដែរ។
ការប្រកួតបាល់ទាត់ជើងឯកទ្វីបអឺរ៉ុប Euro 2024 ដែលប្រទេសអាល្លឺម៉ង់នឹងត្រូវធ្វើជាម្ចាស់ផ្ទះនៅចន្លោះថ្ងៃទី១៤ ខែមិថុនា ដល់ថ្ងៃទី១៤ ខែកក្កដា ឆ្នាំ២០២៤ បានធ្វើការចាប់ឆ្នោតបែងចែកពូលរួចរាល់ហើយ កាលពីថ្ងៃអាទិត្យ ដោយក្រុមអ៊ីតាលី ដែលជាជើងឯកចាស់ ត្រូវស្ថិតក្នុងពូល C ជាមួយអង់គ្លេស ដែលជាជើងឯករងចាស់ តាមមកដោយអ៊ុយក្រែន សេដ្វានខាងជើង និងម៉ាល់ត៍។
សរុបលទ្ធផលចាប់ឆ្នោត សម្រាប់វគ្គជម្រុះតាមពូល Euro 2024 នៅក្រុង Frankfurt ប្រទេសអាល្លឺម៉ង់ កាលពីថ្ងៃអាទិត្យទី៩ ខែតុលា៖
-ពូល A: អេស្ប៉ាញ ស្កុតឡេន ន័រវែស ហ្សកហ្ស៊ី និងស៊ីប
-ពូល B: ហូឡង់ បារាំង សា.អៀរឡង់ ក្រិក និងហ្ស៊ីប្រាល់តា
-ពូល C: អ៊ីតាលី អង់គ្លេស អ៊ុយក្រែន ម៉ាសេដ្វាន និងម៉ាល់ត៍
-ពូល D: ក្រូអាត វេលស៍ អាមេនី តួកគី និងឡេតូនី
-ពូល E: ប៉ូឡូញ សា.ឆែក អាល់បានី កោះហ្វារ៉ូ និងម៉ុលដាវី
-ពូល F: បែលហ្ស៊ិក អូទ្រីស ស៊ុយអែត អាស៊ែបៃហ្សង់ និងអេស្តូនី
-ពូល G: ហុងគ្រី ស៊ែប៊ី ម៉ុងតេណេហ្គ្រោ ប៊ុលហ្គារី និងលីទុយអានី
-ពូល H: ដាណឺម៉ាក ហ្វាំងឡង់ ស្លូវេនី កាហ្សាក់ស្ថាន អៀរឡង់ខាងជើង និងសាន់ម៉ារីណូ
-ពូល I: ស្វីស អ៊ីស្រាអែល រូម៉ានី កូសូវ៉ូ បេឡារុស និងអង់ដូរ៉ា
-ពូល J: ព័រទុយហ្គាល់ បូស្នី អ៊ីស្លង់ លុចសំបួ ស្លូវ៉ាគី និងលិចតិនស្តាញ៕
