ភ្នំពេញ៖ រាជរដ្ឋាភិបាលកម្ពុជា មានបំណងទាក់ទាញទេសចរអន្តរជាតិរហូតដល់ ៧,៥លាននាក់ និងទេសចរផ្ទៃក្នុង ១៦លាននាក់នៅឆ្នាំ២០២៨។ដើម្បីសម្រេចគម្រោងនេះរដ្ឋាភិបាលបានដាក់ចេញផែនការអភិវឌ្ឍទេសចរណ៍ផ្សេងៗចំនួន៨ចំណុច។នេះបើតាមការលើកឡើងរបស់លោក តុប សុភ័ក រដ្ឋលេខាធិការក្រសួងទេសចរណ៍ នៅក្នុងសន្និសីទសារព័ត៌មានស្ដីពីវឌ្ឍនភាពនៃវិស័យទេសចរណ៍រយៈពេល៥ ឆ្នាំចុងក្រោយនាពេលថ្មីៗកន្លងមកនេះ ។
លោក តុប សុភ័ក បានឱ្យដឹងថា៖គម្រោងអភិវឌ្ឍទាំង ៨នោះមានដូចជា ការអភិវឌ្ឍផលិតផល និងសេវាកម្មទេសចរណ៍ប្រកបដោយនវានុវត្តន៍ និងភាពច្នៃប្រឌិត,ពង្រឹងគុណភាពសេវាកម្មឱ្យស្របតាមស្តង់ដា, ជំរុញបណ្ដុះបណ្ដាលជំនាញវិជ្ជាជីវទេសចរណ៍ឱ្យស្របតាមស្រង់ដា,សម្រួលនិងពង្រឹកសេវាកម្មដឹកជញ្ជូនភ្ញៀវទេសចរនិងជំរុញសមត្ថភាពធនធានមនុស្ស ផ្សព្វផ្សាយពីទីផ្សារទេសចរណ៍,ការជំរុញការប្រើប្រាស់បច្ចេកវិទ្យាក្នុងវិស័យទេសចរណ៍,អភិវឌ្ឍផលិតផលទេសចរណ៍ និង ការពង្រឹងអភិបាលកិច្ចទេសចរណ៍។
ជាមួយគ្នានេះ រដ្ឋលេខាធិការក្រសួងទេសចរណ៍រូបនេះអះអាងថារដ្ឋាភិបាលកម្ពុជានឹងធ្វើឱ្យកម្ពុជាក្លាយជាគោលដៅសុវត្ថិភាព ផាសុកភាព និងផលប្រយោជន៍។ ជាងនេះទៅទៀតរដ្ឋាភិបាលធានាការអភិវឌ្ឍទេសចរណ៍ប្រកបដោយចីរភាព៕ដោយៈផាវី
