កំពត៖ នាវេលាម៉ោង៨យប់ ថ្ងៃទី២៧ ខែកញ្ញា ឆ្នាំ២០២២ ក្រុមហ៊ុនស៊ីណូហាយដ្រូបានបើកទ្វារបង្ហូរទឹកចេញពីអាងស្តុកទំនប់វារីអគ្គិសនីកំចាយ ព្រោះទឹកស្ទុះឡើងដល់ជាង១៤៨ម៉ែត្រ ខណ:ដែលកម្រិតត្រូវប្រកាសអាសន្នត្រឹមកម្ពស់១៤៩ម៉ែត្រនោះ។
![](https://cambodiaflashnews.com/wp-content/uploads/2021/06/top-banner.gif)
តំណាងក្រុមហ៊ុនស៊ីណូហាយដ្រូ បានរាយការណ៍ថា នៅវេលាម៉ោង៨យប់ ថ្ងៃទី២៧ ខែកញ្ញា ក្រុមការងារបច្ចេកទេសបានសម្រេចបើកបង្ហូរទឹកចេញពីអាងទំនប់វារីអគ្គិសនីកំចាយ។ ការបើកបង្ហូរនេះ គឺបានបង្ហើបទ្វារទឹកមួយក្នុងចំណោមទ្វារទាំងប្រាំ ដោយលើកកម្ពស់មួយម៉ែត្រពីបាតទំនប់។
ប្រភពដដែលបានបញ្ជាក់ថា គ្រាដែលចាប់ផ្តើមបើកបង្ហូរចេញនេះ គឺកម្រិតទឹកបានឡើងដល់កម្ពស់១៤៨,៦៤ម៉ែត្រ។ ចំណែកទឹកហូរចូលអាងស្តុកមានចំណុះ១៤៧,៨២ម៉ែត្រត្រីគុណក្នុងមួយវិនាទី៕
ដោយ៖កំចាយ