ឧត្តរមានជ័យ ៖ ជាមួយនឹងកម្មវិធីឈ្នះរង្វាន់ប្រាក់លាន និងក្លាយជាសេដ្ឋីភ្លាមៗពីភេសជ្ជៈប៉ូវកម្លាំង ខារ៉ាបាវ ពេលនេះក្រុមហ៊ុនបានបន្តរកឃើញអតិថិជនដែលមានសំណាងបានឈ្នះរង្វាន់ធំនូវទឹកប្រាក់សុទ្ធចំនួន ១០០លានរៀលម្នាក់ទៀតហើយ ដែលជាអ្នករស់នៅខេត្ត ឧត្តរមានជ័យ។
សម្រាប់អតិថិជនដែលមានសំណាងបានឈ្នះរង្វាន់ធំទឹកប្រាក់សុទ្ធចំនួន ១០០លានរៀលពីភេសជ្ជៈប៉ូវកម្លាំង ខារ៉ាបាវ រូបនេះមានឈ្មោះ ទីង ហឿង ភេទប្រុស អាយុ៤៣ឆ្នាំ មានមុខរបរជាកសិករ និងមានកូន៣នាក់នៅក្នុងបន្ទុក រស់នៅនៅភូមិត្នោត សង្កាត់បន្សាយរាក់ ក្រុងសំរោង ខេត្តឧត្តរមានជ័យ។
លោក ទីង ហឿង បានប្រាប់ឱ្យដឹងថាជារៀងរាល់ថ្ងៃលោកតែងតែទទួលទានភេសជ្ជៈខារ៉ាបាវ ១ ឬ ២ កំប៉ុង ជាប្រចាំព្រោះវាជួយឱ្យមានកម្លាំង ជាពិសេសក្រោយពេលមានអារម្មណ៍ថាហត់នឿយបន្ទាប់ពីធ្វើការងារ។
លោកបានបញ្ជាក់ថា៖ «ដោយឡែកសម្រាប់ការត្រូវរង្វាន់នេះ គឺជារឿងដែលមិននឹកស្មានដល់នោះឡើយ ដោយកាលពីថ្ងៃចុងសប្ដាហ៍កន្លងទៅនេះ នៅពេលត្រឡប់ពីធ្វើស្រែវិញ ខ្ញុំបានទិញភេសជ្ជៈខារ៉ាបាវ ពីអ្នកលក់ដែលនៅជិតផ្ទះចំនួន១កំប៉ុងមកទទួលទាន លុះពេលគាស់ស្រាប់តែឃើញមានរង្វាន់ ១០០លានរៀលតែម្ដង។ ពេលឃើញភ្លាម ខ្ញុំពិតជាភ្ញាក់ផ្អើលជាខ្លាំង ហើយស្រែកប្រាប់អ្នកដែលនៅក្បែរមកជួយពិនិត្យមើល ហើយក៏ទូរស័ព្ទប្រាប់ដំណឹងដល់ក្រុមហ៊ុនតាមរយៈលេខទូរស័ព្ទដែលមាននៅក្រវិលកំប៉ុងស្រាប់តែម្ដង»។
លោកបានបន្ថែមទៀតថា៖«តាំងពីដើមមក នៅពេលដែលឃើញគេឡើងទទួលរង្វាន់ធំ និងផ្សព្វផ្សាយនៅតាមស្ថានីយ៍ទូរទស្សន៍ ខ្ញុំតែងនឹកស្រមៃថា ថ្ងៃណាមួយ ខ្ញុំនឹងមានវាសនាត្រូវរង្វាន់ដូចគេដែរ ហើយថ្ងៃនេះ ក្ដីស្រមៃរបស់ខ្ញុំបានក្លាយជាការពិតមែន»។
លោក ទីង ហឿង បាននិយាយថា៖ទឹកប្រាក់១០០លានរៀលនេះពិតជាមានសារសំខាន់ខ្លាំងណាស់សម្រាប់ជីវិត និងក្រុមគ្រួសាររបស់លោក។ក្រោយពេលទទួលបានប្រាក់នេះ លោក នឹងយកមួយចំនួនសងបំណុលធនាគារឯកជន ហើយទិញម៉ូតូឱ្យកូន ទុកឱ្យកូនសិក្សារៀនសូត្រខ្លះ ហើយនឹងទុកបង្កើតមុខរបរ សម្រាប់បង្កើនកម្រិតជីវភាពគ្រួសារទៅថ្ងៃអនាគត។
ជាចុងក្រោយ លោក ទីង ហឿង បានថ្លែងអំណរគុណចំពោះក្រុមហ៊ុនភេសជ្ជៈប៉ូវកម្លាំង ខារ៉ាបាវ ដែលបានបង្កើតកម្មវិធីផ្តល់រង្វាន់នូវទឹកប្រាក់យ៉ាងច្រើនសន្ធឹកសន្ធាប់ និងបានជួយកែប្រែនូវជីវភាពគ្រួសារប្រជាពលរដ្ឋដែលធ្លាប់តែក្រលំបាកឱ្យមានជីវភាពធូរធារ មានលុយគ្រប់គ្រាន់ហ្នឹងគេ៕