សុបិនសើមខោឬភាសានិយាយលេងសើចមួយចំនួនហៅថាចាញ់បោកសុបិនគឺជារឿងរ៉ាវតែងកើតមានទៅលើយុវជនវ័យក្មេងដែលសំដៅទៅលើការហៀរទឹកកាមនៅពេលយប់ដោយមិនបានរួមភេទ។
ជាទូទៅការបញ្ចេញទឹកកាមច្រើនកើតតែទៅលើបុរសច្រើនជាងស្រ្តី ហើយអាការនេះវាបានបង្ហា្ពញពីសុបិនរួមភេទ ហើយឈានដល់ចំណុចកំពូលដែលធ្វើឱ្យកើតមានទាំងអារម្មណ៍ស្រើបស្រាលនិងស្រណុកសុខស្រួល។
ការកើតនូវរឿងរ៉ាវបញ្ចេញទឹកកាមក្នុងខណៈពេលដេកលង់លក់នេះ ច្រើនតែទៅលើយុវជន វ័យក្មេងដោយសារអំឡុងពេលនេះអ៊័រម៉ូនក្នុងរាងកាយមានការផ្លាស់ប្តូរច្រើន។រាងកាយបាន ផលិតនូវអ៊័រម៉ូនតេសស្ទើរ៉ូន(Testosteron) និងបានបង្កើតទឹកកាមដើម្បីរួមភេទតាមអាយុកាល។អ្នកខ្លះអាចមិនធ្លាប់កើតសុបិនសើមខោនេះទេ ប៉ុន្តែអ្នកខ្លះទៀតតែងកើតនូវរឿងរាវនេះញឹកញាប់ផង។
យុវជនវ័យក្មេងតែងកើតញឹកញាប់អ្នកខ្លះអាចកើតរហូត២-៣ដងក្នុងមួយសប្តាហ៍ ហើយអាការបង្ហា្ញញនោះគេតែងសុបិនថាបានរួមភេទជាមួយនរណាម្នាក់ នៅពេលភ្ញាក់ឡើងមកទើបដឹងនេះជាការចាញ់បោកសុបិនសោះ ហើយតែងក្រោកទៅបោកគក់ឬផ្លាស់ប្តូរខោក្នុងចេញដោយការប្រយ័ត្នប្រយែងខ្លាចអ្នកដទៃដឹង។
យុវជននៅពេលសុបិនថាខ្លួនឯងបានរួមភេទតែងភ្ញាក់ឡើងមកសើមខោជោក ប៉ុន្តែសម្រាប់ស្រ្តីវិញតែងមានសំណើមក្នុងទ្វារមាស ហើយក៏មានអារម្មណ៍ពីកាមតម្រេកនិងភាពស្រណុកសុខស្រួលដូចគ្នា។
ដោយឡែកតាមរយៈការសិក្សាចំពោះស្រ្តីវិញការសុបិនថាបានរួមភេទរហូតបញ្ចេញទឹករំអិលជាទឹកចំណង់ផ្លូវភេទនេះច្រើនស្ថិតអំឡុងពេលដេកលក់ស្កប់ ។ជាទូទៅ ស្ដ្រីរមែងភ្ញាក់ដឹងខ្លួនពេលមានចំណង់ផ្លូវភេទ ឬឈានដល់ចំណុចកំពូលមួយនេះ។ការសិក្សាក៏បង្ហាញដែរថាមាន ស្ត្រីប្រមាណ ៨៥ ភាគរយ តែងកើតសុបិនសើមខោនេះ មុនអាយុ ២១ ឆ្នាំ៕
ប្រែសម្រួលចេញពីឯកសារបរទេស
ដោយ៖ឧត្តម